Хаартыска: Ленинград зоопарката.
Ленинград зоопаркатыгар саха сүөһүтэ — Мааны диэн оҕус баар. Соторутааҕыта кини 17 сааһын туолбутун бэлиэтээтилэр.
Төһө да суостаах курдук көһүннэр, сымнаҕас майгылаах эбит. Аһатар, көрөр-истэр дьонун билэр, имэрийтэрэр. Саамай сөбүлүүр аһын — дьаабылыканы, моркуобу көрдөөн ылар идэлээх.
Оҕус төһө да саастаах буоллар, оонньуурун сөбүлүүр. Былаастык шардары, дьуолкалары, биэдэрэни муоһугар иилэн баран, төкүнүҥнэтэр, кэйиэлии сатыыр. Киниэхэ анаан иилбит суоккаларыгар тиийэн, аалынарын олус сөбүлүүр диэн зоопарка үлэһиттэрэ кэпсииллэр.
Кини төрөөбүт күнүгэр Мааны оҕуһу аһатыыны дьоҥҥо-сэргэҕэ көрдөрдүлэр. Сөбүлүүр аһын астына-дуоһуйа мотуйда, көрөөччүлэри кытта да алтыста. Кини вольера альпакалар, гуанаколар диэн ураты кыыллар күрүөлэрин аттыгар баар.
Ленинград зоопаркатыгар өссө Хаарчаана диэн үрүҥ эһэ баар. Кинини зоопарка көрөөччүлэрэ олус сөбүлүүллэр.
2026 сылтан босхо чинчийиилэр бырагыраамалара кэҥээтэ. Холобур, дьахталлар киһи папилломатын вируһугар, оттон 45-тэн үөһээ саастаах…
«Олох инфраструктурата» нацбырайыак олоххо киириитинэн, 2025 сылга Саха сиригэр эрэгийиэннээҕи уонна нэһилиэктэр икки ардыларынааҕы суолларга…
Алдан куорат олохтооҕо интэриниэт ситимигэр экстремистскэй дьайыыны оҥорорго анаан-минээн ыҥырыылары таһаарбытын уонна тарҕаппытын иһин сууттанна.…
Чэппиэргэ, тохсунньу 22 күнүгэр, Дьокуускайга 48 VolgaBus мааркалаах оптуобуһу аҕаллылар. СӨ Ил Дархана Айсен Николаев…
СӨ Ил Дархана Айсен Николаев Амма улууһугар оробуочай сырыытын кэмигэр мас-рестлинг спортивнай саалатыгар сылдьан, бу…
Тохсунньу 22 күнүгэр Дьокуускай куоракка Үөһээ Бүлүүгэ ураты суолталаах бэлиэ түгэн үүннэ — Үөһээ Бүлүү…