Ленскэйгэ баһаартан үс киһини быыһаатылар

Ленскай куоракка олунньу 2 күнүгэр түүн 03.57 чааска баһаарынай-быыһыыр сулууспаҕа Пролетарскай уулуссаҕа элбэх кыбартыыралаах дьиэҕэ баһаар турбутун туһунан биллэрбиттэр.

Быһылаан тахсыбыт сиригэр Ленскайдааҕы баһаарынай-быыһыыр сулууспатын этэрээтэ тиийбит. Кинилэр тиийэллэригэр 8 этээстэн буруо тахсарын көрбүттэр, диэн ЫБММ пресс-сулууспата иһитиннэрэр.

Баһаар түмүгэр икки эр киһи, 1976 уонна 1982 с.т., эмсэҕэлээбиттэр. Дьиэ прихожайын 4 кв.м. иэнэ  умайбыт уонна 6 кв.м. хос иэнэ уокка былдьаммыт. Баһаарынайдар уоттан үс киһини быыһаабыттар, 25 киһини эвакуациялаабыттар. Быһа барыллаан баһаар уоту сэрэҕэ суох туттууттан тахсыбыт. Буруйдааҕынан кыбартыыра хаһаайына буолара билиннэ. Хоромньу суумата быһаарыллар. Уоту умуруорууга быыһыыр сулууспа тус састаабын 13 үлэһитэ уонна 3 тиэхиньикэ тардылынна.