Анна Стручкова хаартыскаҕа түһэриилэрэ. Ленскэй, Чамча.
Ленскэй оройуонун Чамча нэһилиэгин олохтоохторо Сергей Иванович Никоновка махтаналлар. Бу туһунан Чамча олохтооҕо Жанна Афанасьева кэпсээтэ:
— Биһиги нэһилиэкпититтэн төрүттээх Сергей Иванович Никонов Дьокуускайга олорор. Ол да буоллар кини өрүү сүрэҕинэн төрөөбүт Чамчатыгар чугас. Бу сырыыга кини оҕолор футбуоллуур хонууларыгар сабыс саҥа боруоталары бэлэхтээтэ. Онон нэһилиэкпит олохтоохторо Людмила, Трофим Никоновтар бу боруоталары хомуйан туруордулар. Кыһыҥҥы өттүгэр боруоталар хомуллаллар. Бэлиэтээн эттэххэ, 2013 сылтан Сергей Иванович биһиги Чамчабыт оскуолатын бүтэрээччилэргэ бэлэхтэри туттартыыр. Кини ийэтэ Тамара Павловна өр сылларга биһиги оскуолабытыгар үлэлээбитэ. Маны сэргэ, Сергей Иванович нэһилиэкпит искибиэрин тутарга эмиэ көмөлөспүтэ. Онон дойдубутуттан маннык үтүө дьон үүнэн билигин даҕаны төрөөбүт дойдуларыгар сүрэхтэринэн ыалдьалларыттан, кыһаллалларыттан биһиги, олохтоохтор, олус үөрэбит уонна махтанабыт.
Билигин бу саҥа боруоталаммыт дьон аны Сергей Иванович дойдутугар кэлэн оҕолорго футболга маастар-кылаас көрдөрөрүн күүтэбит. Боруотабытын кыра футболист Дьулусхан Стручков тургутан көрдө.
Cаҥа дьылы кэтэһии бырааһынньыктааҕар ордук үчүгэй, күүтүүлээх, күндү курдук буолар. Оннук күндү кэтэһиини биһиги бэйэбит…
Ыйытыыга Арассыыйа ФНС Саха Өрөспүүбүлүкэтигэр управлениетын 1 разрядтаах исписэлииһэ Пелагея Гуляева маннык хоруйдаата: — Арассыыйа ФНС саайтыгар…
Быйыл 3-тэн 79-гар диэри саастаах нэһилиэнньэ уопсай ахсааныттан физическэй култууранан уонна успуордунан систиэмэлээхтик дьарыктанар дьон…
РИА Новости ааҕан-суоттаан таһаарбытынан, эһиил дойдуга сааһынан страховой биэнсийэ барыларыттан ордук Чукоткаҕа үрдүөҕэ, онно эбиллиитэ…
Дьокуускай куорат борокуратуурата киин куорат икки олохтооҕун туһунан судаарыстыбаннай буруйдааһыны өйөөтө. Кинилэр РФ ХК 126-с…
Бүгүн, ахсынньы 20 күнүгэр, Дьокуускай куоракка өрөспүүбүлүкэ бары муниципальнай оройуоннарыттан уонна куорат уокуруктарыттан 8-11 кылаас…