«Ленскэй кулууп» үлэтин саҕалаата

«Ленскэй кулууп» бырайыак сүбэ мунньаҕар эспиэрдэр уонна кыттааччылар Саха сирин бүтэһик биэс сыллааҕы сайдыытын тула кэпсэттилэр. 

СӨ баһылыга  Айсен Николаев иһитиннэрбитинэн, кулууп 2019 сылга аан бастаан ыытыллыбыт мунньаҕар туруоруллубут сорук туолбут.

«Ол кэмҥэ мин биһиги уларыйыахтаахпыт диэн эппитим. Күрэстэһэр кыахтаах буолар туһугар уларыйыахтаахпыт диэбитим.  Оччолорго уларыйыылар буолаары туралларын ким да билбэт этэ:  пандемия, сааҥсыйалар, байыаннай дьайыы. Ол да буоллар биһиги туруоруммут сорукпутун ситистибит», — диэтэ Ил Дархан.

Кини эппитинэн, эрэгийиэн экэниэмикэтин сайдыыта  43% тэҥнэспит. «Үлэ миэстэтэ элбээн иһэр. Ол аата дьон атын сиргэ көспөккө, өрөспүүбүлүкэҕэ хаалыахтара»,  — диэн эбэн эттэ.