Ленскэй куоракка тутуу кэмигэр оробуочай өлбүт

Ленскэй куоракка Якутскай уулуссаҕа турар элбэх кыбартыыралаах дьиэ тутуутун кэмигэр оробуочай өлбүт.

Быһылаан тахсыбыт түмүгүнэн Саха сиринээҕи Силиэстийэлиир кэмитиэтин управлениетын Ленскэй улууһунааҕы силиэстийэлиир отдела Ленскэйгэ элбэх кыбартыыралаах дьиэни тутууга оробуочай өлбүтүн чахчытынан процессуальнай бэрэбиэркэни ыытар.

Барыллаан силиэстийэ быһаарыытынан, бу сыл от ыйын 18 күнүгэр 10 этээстээх элбэх кыбартыыралаах олорор дьиэ тутуутун кэмигэр дьиэ сарайын үрдүттэн кумаҕы үөһэ таһыыга үлэлээбит оробуочай лифт шахтатыгар сууллубут. Быһылаан тахсыбыт сиригэр тутатына өлбүт.

Бэрэбиэркэ түмүгүнэн силиэстийэлээччилэр быһылаан тахсыбыт төрүөтүн быһаарыахтара уонна сокуон быһыытынан сөптөөх быһаарыы ылыныахтара.