Салгыы
Ленскэй куорат оскуолатыгар тахсыбыт быһылаанынан полиция бэрэбиэркэ ыытар

Ленскэй куорат оскуолатыгар тахсыбыт быһылаанынан полиция бэрэбиэркэ ыытар

20.02.2024, 17:22
Хаартыска: Андрей Сорокин, СИА.
Бөлөххө киир:

Олунньу 15 күнүгэр Ленскэй улууһун ИДьМ дьуһуурунай чааһыгар, 9-с кылаас үөрэнээччилэрин икки ардыгар тахсыбыт иирсээн түмүгэр, биир кыыс төбөтүгэр эчэйиини ылбытын туһунан Ленскэй куорат  оскуолатын социальнай педагогуттан иһитиннэрии киирбит. Сокуоннай саастарын туола илик оҕолор дьыаларын иниспиэктэрдэрэ бэрэбиэркэ ыытан саҕалаабыттар.

Оскуола остолобуойугар тохсус кылаас үөрэнээччилэрэ иирсээннэрин кэмигэр, 17 саастаах эдэр киһи  15 саастаах кыыһы моонньуттан тутан баран сиргэ охторбута быһаарыллыбыт.

Билиҥҥитэ эдэр киһи төрөппүттэрэ “Төрөппүттэр эбэтэр сокуоннай бэрэстэбиитэллэр сокуоннай сааһын туола илик оҕону көрүүгэ уонна иитиигэ эбээһинэстэрин толорбот буолуулара” РФ административнай быраабын кэһии Кодексатын 5.35 ыст. 1 ч. административнай эппиэтинэскэ тардыллыбыттар.

Доруобуйатыгар төһө улахан эчэйиини ылбытын быһаарар инниттэн, суут-мэдиссиинэ эспэртиисэтэ анаммыт. Эспэртиисэ уонна бэрэбиэркэ түмүгүнэн сокуоҥҥа олоҕуран быһаарыы ылыныллыаҕа.  17 саастаах үөрэнээччи ПДН сэрэтэр учуотугар турарын ыйаллар. Былырыын сайын РФ административнай быраабы кэһии Кодексатын  6.1.1 ыст. эппиэтинэскэ тардылла сылдьыбытын туһунан суруйаллар. Бу туһунан ИДьМ пресс-сулууспата иһитиннэрэр.

+1
3
+1
8
+1
1
+1
0
+1
12
+1
2
+1
3
Бары сонуннар
Салгыы
15 апреля
  • -2°C
  • Ощущается: -5°Влажность: 31% Скорость ветра: 2 м/с

Сообщить об опечатке

Текст, который будет отправлен нашим редакторам: