Хаартыска: PxНere ылылынна
ИДьМ Ленскэй оройуоннааҕы отделын холуобунай ирдэбилгэ үлэһиттэрэ түөкүттэргэ албыннатан эрэр киһини тохтоппуттар.
Ол курдук, кинилэргэ баан филиалыттан суһал иһитиннэрии киирбит. Биир киһи 800 000 солк. харчытынан устарын туһунан иһитиннэрдэ уонна хайдах эрэ эрэлэ суохтук туттар-хаптар диэбиттэр.
Бааҥҥа бэрт түргэнник оперативниктар ыытыллыбыттар. Кинилэр 69-таах киһини кытта кэпсэтэн, түөкүттэргэ албыннатан эрэрин тохтоппуттар. Дьэ, онтон тэрилтэ харабылынан үлэлиир бу киһи маннык кэпсээбит, түөкүн полицияҕа тыллыыр эбэтэр үһүс сирэйгэ иһитиннэрэр түгэнигэр, холуобунай дьыаланан кинини куттаабыт.
ИДьМ Ленскэй оройуоннааҕы отделын үлэһиттэрэ бу саастаах киһиэхэ быһааран тылларыгар киллэрбиттэр, түөкүттэр дьону албынныылларын этэн итэҕэппиттэр. Онуоха бу киһи кэпсээбитинэн, бэс ыйын 15 күнүттэн билбэт араас нүөмэрдэриттэн эрийэр буолбуттар уонна хайдах харчылаһыахха сөбүн туһунан быһаараллар эбит.
Сотору кэминэн Роскомнадзор сымыйа үлэһитэ эрийбит уонна эн түөкүттэргэ киирэн биэрбиккин диэбит, кинилэр сотору кэминэн счетугар тиийиэхтэрин туһунан этэн ыксаппыт. Онуоха Ленскэй олохтооҕо куттанан бу кинини албынныы турар түөкүҥҥэ 800 000 уурдарыылааҕын эппит. Ону эрэ кэтэспит түөкүттэр тута «Центорбаан үлэһитигэр» холбообуттар. Ол кэнниттэн өссө спецсулууспа сымыйа үлэһитэ өр күүттэрбэккэ сибээскэ тахсыбыт.
Бу кэнники кэпсэппит киһитэ баанын счетун барытын кураанахтыырыгар уонна харчытын «куттала суох счекка» ыытарыгар ыйбыт-кэрдибит. Эбиитин баан үлэһиттэрэ ыйыттахтарына, массыына ылабын диэхтээххин диэн «сүбэлээх» буолбут. Өссө бу «кистэлэҥ» кэпсэтиилэрин атын дьон билиэ суохтаахтарын, билэр түгэннэригэр холуобунай дьыала тэриллиэн сөбүн туһунан куттуурун умнубатах.
Дьолго, барыта этэҥҥэ буолбут. Полицейскайдар коттарбакка кэмигэр кэлэннэр бу Ленскэй олохтооҕун өйдөтөннөр, харчытыттан мэлийбэтэх. Полиция үлэһиттэригэр махтаммыт.
СӨ ИДьМ пресс-сулууспата
Арассыыйа олохтоохторо 2026 сылга мунньуллар биэнсийэлэриттэн 440 тыһыынча солкуобайы биир кэмнээхтик ылыахтарын сөп диэн РИА…
Дьокуускайга өрөспүүбүлүкэ муниципальнай тэриллиилэрин бэрэстэбиитэллээх уорганнарын дьокутааттарын III сийиэһин пленарнай мунньаҕын улуустартан уонна нэһилиэктэртэн кэлбит…
Киин куоракка икки күн устата өрөспүүбүлүкэ муниципальнай тэриллиилэрин бэрэстэбиитэллээх уорганнарын дьокутааттарын III сийиэһэ үгүс дьокутааты…
Ил Дархан туһаайан этиитигэр дьоҕус урбааны өйүүр боппуруоска болҕомтотун ууруо диэн, норуот дьокутаата, Ил Түмэн…
“Илии сылааһа” сыах (сал. Саввина И.Е.) филиала Куокуйдааҕы “Надежда” холбоһук (сал. Еремеева Т.У.) бу сылга…
Дьокуускайдааҕы полиция 1-кы №-дээх отделын дьуһуурунай чааһыгар олохтоох дьахтар кини аатыгар сокуоннайа суохтук 145 тыһ.солк.…