Ленскэй олохтооҕо ботуруоннары сокуоннайа суох харайыыга буруйданна

Ленскэй оройуонун суутунан РФ Холуобунай Кодексатын 222-с ыстатыйатын 1 чааһынан буруйу оҥорууга дьыала көрүлүннэ.  Суут эр киһини буруйдааҕынан билинэн,  ыстарааба суох 1 сыл 6 ый болдьоххо көҥүлүн быһарга, итинтэн 1 сылын усулуобунайдык уураахтаата.

Суутунан быһаарыллыбытынан, 2020 сыл балаҕан ыйын 20 күнүгэр буруйданааччы өрүс кытылыттан 5,6 мм калибрдаах 16 ботуруону булбут. Эспэртииһэ бигэргэппитинэн, булуллубут бойобуой ботуруоннар нарезной саанан успуорт күрэхтэһиилэригэр уонна бултуурга аналлаах ытыыга анаммыттар —  собуокка оҥоһуллубуттар. Эр киһи сокуоннайа суох булбут ботуруоннары дьиэтигэр аҕалан, бу сыл олунньу 27 күнүгэр диэри ыскаап дьааһыгар харайбыт.

Суут мунньаҕар эр киһи оҥорбут буруйун толору билиммит. Суут уурааҕа сокуоннай күүһүгэр киирдэ, диэн СӨ Сууттарын холбоһуктаах пресс-сулууспата иһитиннэрэр.