Ленскэй олохтооҕо киһини өлөрөргө санаммыт буруйдааһына суудка көрүллүөҕэ

Ленскэйдээҕи силиэстийэлиир отделынан Ленскэй куорат 27 саастаах олохтооҕо киһини өлөрө сатаабыт холуобунай дьыалатын силиэстийэлээһинэ түмүктэннэ.

Силиэстийэ быһаарбытынан, бу сыл тохсунньу 7 күнүн түүнүгэр итирик туруктаах буруйданааччы Ленскэй куорат биир кафетыгар билбэт эр киһини кытта кыыһырсан өлөрөргө санаммыт диэн СӨ Силиэстийэлиир кэмитиэтин пресс-сулууспата иһитиннэрэр.

Буруйданааччы бэйэтин билэр киһититтэн «МР-27 ЕМ» мааркалаах булт саатын уларсыбыт уонна кафеҕа төннөн тиийэн, эмсэҕэлээччи диэки туһаайан саанан ыппыт. Ол эрээри, буруйданааччы саанан сыыһа-халты ытан, киһини өлөрөр санаатын тиһэҕэр тиэрдибэтэх. Кафе үлэһиттэрэ тутатына полиция сулууспатын ыҥыраннар, буруйданааччы миэстэтигэр туттуллубут.

Холуобунай дьыала үлэһиттэрэ силиэстийэ үлэтин түмүктээтилэр уонна дьыаланы суудка ыыттылар.