Ленскэй олохтооҕо полиция үлэһитин кырбаата

Ленскэй олохтооҕо полиция үлэһитин кырбаан бириигэбэрдэммит. Бу туһунан СӨ  сууттарын холбоһуктаах пресс-сулууспата иһитиннэрэр.

Быһылаан туохтан саҕаламмытый? Бу дьыл кулун тутар 24 күнүгэр,  полиция салаатын дьуһуурунай чааһыгар  үҥсүү киирбит. Дьахтар кыбартыыратыгар итирик туруктаах эдэр киһи тоҥсуйбутун, ону таһынан элбэх кыбартыыралаах дьиэ подъеһын кирилиэһигэр «тахсан киирбитин» туһунан иһитиннэрбит. Полиция үлэһиттэрэ кэлбиттэригэр эр киһи суох буолан биэрбит. Онон кинини дьиэ чугаһыттан тутан, РФ административнай быраабы кэһии кодексатын 20.1 ыст. 1 ч. полиция салаатыгар барсарга эппиттэр.  Массыынаҕа  киирэн баран эр киһи полиция үлэһитин  сирэйгэ охсуолаан барбыт.

Суут кэмигэр эдэр киһи буруйун толору билиммит, оҥорбут дьайыыларыттан кэмсиммит. Онон, суут уурааҕынан сууттанааччыны 55 тыһ.солкуобайга ыстарааптаабыттар.