Ленскэй оройуонугар бетон тобоҕун сокуоннайа суохтук тохпуттара билиннэ

Соторутааҕыта социальнай ситиминэн Ленскэй оройуонугар Новоленинскайдааҕы итиини биэрэр электростанциятын (ТЭС) тутуутун учаастагар бетон булкаһыгын тобоҕун мээнэ куппуттарын туһунан видео тарҕаммыта. Бу туһунан СӨ Экологияҕа, айылҕаны туһаныыга уонна ойуур хаһаайыстыбатыгар министиэристибэтэ иһитиннэрэр.

СӨ Экологияҕа, айылҕаны туһаныыга уонна ойуур хаһаайыстыбатыгар министиэристибэтэ бу күннэргэ бу быһылаанынан бэрэбиэркэ ыытта.

Министиэристибэ үлэһиттэрэ интэриэстээх өрүккэ биллэрбэккэ эрээри, миэстэтигэр тиийэн бэрэбиэркэлээтилэр. Бэрэбиэркэ түмүгүнэн Новоленинскай ТЭС баар сиригэр  бетон тобоҕун сокуоннайа суохтук куппуттара билиннэ. Ыстаансыйаны «Интер РАО Электрогенерация» АУо тутар, бу сир ойуурдаах сир категориятыттан бырамыысланнай туһаныы сиригэр көһөрүллүбүт.

Бэрэбиэркэ түмүгүнэн, министиэристибэ үлэһиттэрэ тутуу бөҕүн көҥүлэ суох быраҕыы тахсыбытын быһаардылар. Ыстаансыйа тутуута федеральнай айылҕа харыстабылын хонтуруолугар киирэр буолан, министиэристибэ бэрэбиэркэ матырыйаалларын СӨ Айылҕа баайын туһаныыны хонтуруоллуур федеральнай сулууспаҕа салгыы көрүүгэ уонна сөптөөх дьаһалы ыларыгар тиэртэ.