Хаартыска СӨ баһылыгын уонна бырабыыталыстыбатын пресс-сулууспатыттан
Бүгүн, олунньу 13 күнүттэн, Ленскэй оройуонугар өрөспүүбүлүкэ судаарыстыбаннай былааһын ситэриилээх уорганнарын 2024 с. отчуота саҕаланна диэн СӨ баһылыгын уонна бырабыыталыстыбатын пресс-сулууспата иһитиннэрэр.
Бөлөҕү СӨ Бырабыыталыстыбатын бэрэссэдээтэлин солбуйааччы Ольга Балабкина салайар.
Дэлэгээссийэ түөрт бөлөххө арахсан, Ленскэй оройуонун бары нэһилиэктэрин кэрийэн отчуоттуо. Бырабыыталыстыбатын бэрэссэдээтэлин солбуйааччы Ольга Балабкина салайар бөлөҕө Чамча уонна Орто Наахара нэһилиэктэригэр сылдьыа.
Оттон ОДьКХ миниистирин солбуйааччы Наталья Готовцева салайар бөлөҕө Толооҥҥо, Пеледуйга үлэлиэ.
Үһүс бөлөҕү СӨ үпкэ миниистирин бастакы солбуйааччы Елена Хиль салайан илдьэ сылдьар. Бүгүн кинилэр Ярославскай уонна Хамра нэһилиэктэригэр үлэлииллэр.
Үөрэх уонна наука миниистирин солбуйааччы Виктория Захарова салайааччылаах төрдүс бөлөх Турукта, Наатара уонна Ньүүйэ нэһилэктэринэн сылдьыа.
Сарсын отчуоттар Пеледуй, Витим, Бэчинчэ, Хоту Ньүүйэ, Ньүүйэ, Батамай, Дорожнай, Мурья бөһүөлэктэригэр буолуохтара. Киэһэтин – Ленскэй куорат нэһилиэнньэтин иннигэр отчуот ыытыллыа.
Санатан эттэххэ, өрөспүүбүлүкэ судаарыстыбаннай былааһын ситэриилээх уорганнарын 2024 с. отчуота олунньу 3 күнүттэн саҕаламмыттара. Саха сирин олохтоохторо кинилэри долгутар ыйытыылары тута биэрэн, сөптөөх хоруйдары ылар кыахтаахтар. Отчуот түмүгэ «Саха» НКИХ биэриитигэр тахыса.
Отчуот барар кыраапыгын кытары бу сигэнэн билсиэххитин сөп: https://www.sakha.gov.ru/news/front/view/id/3480409
Саҥа дьылга бэлэмнэнэн сотору Саха сирин олохтоохторо мандарины атыылаһыахтара. Мандарины атыылаһаргытыгар сирийэн көрүҥ. Өскөтүн мандарин…
Энэргиэтиктэр күннэринэн быйыл тэриллибиттэрэ 60 сылын туолбут “Якутскэнерго” ПАУо Киин элэктэриичэскэй ситимнэрин салайааччыта Петр Гаврильевич…
Убаастабыллаах Саха сирин олохтоохторо, энэргэтиичэскэй комплекс үлэһиттэрэ уонна бэтэрээннэрэ! Эһиги үрдүк таһымнаах үлэҕит, эппиэтинэскит, бэриниилээх…
Дьокуускайга чааһынай дьиэҕэ 17, 11 уонна 9 саастаах оҕолор ититии систиэмэтиттэн тахсар гаастан үгээрдээбиттэр. Борокуратуура…
Бу күннэргэ Өймөкөөн улууһун салалтата быйыл алдьатыылаах халаан кэнниттэн эмсэҕэлээбит нэһилиэктэринэн сылдьан, чөлүгэр түһэрии үлэтин…
Бу күннэргэ Саха сирэ аан дойду үрдүнэн саамай тымныы сиринэн буола сырытта. Бу туһунан РФ…