Ленскэй оройуонугар эрдэ сууттана сылдьыбыт киһи хас даҕаны буруйу оҥорбут

СӨ Силиэстийэлиир кэмитиэтин Ленскэй оройуонунааҕы салаата хомуйбут дакаастабыла 30 саастаах, эрдэ хас да төгүл сууттана сылдьыбыт Мииринэй оройуонун олохтооҕор бириигэбэр таһаарарга төрүөт буолбут.

Суут быһаарбытынан, эрдэ сууттана сылдьыбыт Ленскэй куорат олохтооҕо абааһы көрөр билэр киһитин көрсөн илиитинэн искэ охсубут. Аны быһаҕынан куттаан туран, эмсэҕэлээччини “Тойота-Королла” массыынаҕа суоппар миэстэтигэр олороругар уонна бииргэ олорор дьахтара баар сиригэр илдьэригэр модьуйбут. Ол кэнниттэн, хата, полиция үлэһиттэрэ туппуттар.

Суут бириигэбэринэн сууттанааччы буруйдааҕынан ааҕыллан, 8 сыл ураты эрэсиимнээх холуонньаҕа быраабын боруостууругар быһаарыллыбыт. Бу туһунан борокуратуура телеграм-ханаалыгар суруйаллар.