Ленскэй оройуонугар массыынатын уларсыбыт эр киһи доруобуйатын эчэппит уорбаланааччыны туттулар

ИДьМ Ленскэй оройуонун салаатын дьуһуурунай чааһыгар араас эчэйиини ылбыт эр киһини балыыһаҕа укпуттарын туһунан иһитиннэрии киирбит. Туох буолбутун быһаарар соруктаах полиция үлэһиттэрэ балыыһаҕа уонна эмсэҕэлээччи олорор дьиэтигэр тиийбиттэр.

Холуобунай көрдөөччүлэр барыллаан быһаарбыттарынан, быһылаан тахсар күнүгэр эмсэҕэлээччи кыбартыыратыгар билэр киһитэ кэлбит, иирсээн кэмигэр кинини монтировканан охсуолаабыт.

Иирсээн төрүөтүнэн эрдэ эмсэҕэлээччи уорбаланааччыттан массыынатын уларсыбыта буолбут. Суукканан төлөөн иһэргэ кэпсэппиттэр эрээри, эмсэҕэлээччи нэдиэлэ устата массыына уларсарын иһин төлөбүрүн биэрбэтэх. Уорбаланааччы тулуйбакка дьиэтигэр монтировкалаах тиийбит.

Уорбаланааччыны – эрдэ сууттана сылдьыбыт, үлэтэ суох 33 саастаах киһини, полиция үлэһиттэрэ суһал-көрдүүр тэрээһин иитинэн буолбуттар.

Киниэхэ Холуобунай кодексатын 111 ыст. 2 ч. (“Соруйан киһи доруобуйатын улаханнык эчэтии” ) холуобунай дьыала тэриллибит. Бу туһунан СӨ ИДьМ пресс-сулууспата иһитиннэрэр.