Ленскэй оройуонун баһылыгын быыбара буола турар

Бүгүн, ахсынньы 10 күнүгэр, сарсыарда аҕыс чаастан Ленскэй оройуонугар 34 быыбардыыр учаастак аһыллан, оройуон баһылыгын быыбара саҕаланна.

 Бу күн учаастактарга РФ Өрөгөйүн ырыатынан саҕаланна. Испииһэккэ барыта 26 119 быыбардааччы баар. 10 чаастааҕы дааннайынан, быыбардааччы 4,98%-а куоластаабыт.

Быыбардыыр сокуоҥҥа сөп түбэһиннэрэн, ыраах сытар уонна уустук суоллаах-иистээх баахтабай бөһүөлэктэргэ болдьоҕун иннинэ куоластааһын буолбута.

Быыбар хаамыытын хандьыдааттар уонна Саха сирин уопсастыбаннай палаататын кэтээн көрөөччүлэрэ хонтуруоллууллар диэн Саха сиринээҕи Киин быыбардыыр хамыыһыйа телеграм-ханаалыгар суруйаллар.