Ленскэй оройуонун педагогтара олус үчүгэй үлэһиттэр, настаабынньыктар. Ону сэргэ, кыһамньылаах истиҥ ийэлэр, үтүөкэн хаһаайкалар, дьоҕурдаахтарынан, иистэнньэҥнэринэн, уран тарбахтаахтарынан биллэллэр.
Оройуоннарыгар кыраайы үөрэтэр түмэлгэ «Души и рук творенье» уус-уран оҥоһуктар быыстапкаларын дьон-сэргэ кэрэхсиир. Бу учууталлар, иитээччилэр уонна эбии үөрэхтээһин педагогтарын үлэлэрэ бар дьон көрүүтүгэр-истиитигэр туруоруллубута диэн оройуон дьаһалтатын пресс-сулууспата суруйар.
Быыстапканы оройуоннааҕы үөрэх үлэһиттэрин биир идэлээх сойуустарын кэмитиэтэ тэрийбит. Манна уруһуй, мозаика, быысыбай арааһа, оҕуруонан тигии, уо.д.а. эҥинэ бэйэлээх дьон-сэргэ болҕомтотун тардар.
«Биһиги педагогтарбыт наһаа талааннаахтар, дьоҕурдаахтар диэн уруккуттан сыаналыыбын. Кинилэр ырыаҕа, үҥкүүгэ, хоһоон ааҕыытыгар мэлдьи инники күөҥҥэ сылдьаллар. Бу быыстапканы көрөн олус сөхтүм, үөрдүм, астынным, — диэн улуустааҕы үөрэх управлениетын начаалынньыга Изумира Корнилова этэр. — Баай фантазиялаах, уран тарбахтаах эрэ киһи маннык кэрэ оҥоһуктары сатаан оҥорор. Мин манна сорох талааннаах, дьоҕурдаах учууталлары билэбин. Ол гынан баран, саҥа дьону эмиэ биллим, көрдүм. Онон эһигини атын өттүгүтүттэн эмиэ көрөрбүтүгэр маннык тэрээһиннэр, быыстапкалар наадалар.
Педагогтар тарбахтарыгар талааннаахтар, ол иһин ону-маны олус үчүгэйдик оҥороллор, сатыыллар. Холобур, 2 №-дээх оскуола учуутала Полина Егорова куукулалары сабынан баайар. 8-с нүөмэрдээх анал коррекционнай оскуолаттан Надежда Черепанова наһаа үчүгэй сахалыы киэргэллэри оҥорор. «Сэргэ» эбии үөрэхтээһин МКУ педагога Альбина Колбик ураты былааччыйалары тигэр. Бу кинилэр курдук айар талааннаахтар үөрэх кыһаларыгар аҕыйаҕа суохтар.
«Быыстапкаҕа оройуон араас муннугуттан отуттан тахса педагог кыттыбыт. Онон сылыктаатахха, биһиэхэ хас биирдии оскуолаҕа хастыы да киһи уус-уран оҥоһуктарынан дьарыктанар эбит. Бу бастакы быыстапка буолбатах. Биһиги икки сылга биирдэ тэрийэргэ кыһаллабыт. Арай, коронавирус мэһэйдээн учууталлар үлэлэрин кыайан көрдөрбөккө сылдьыбыттара. Онтон дьэ, балачча тохтуу түһэн баран, быыстапканы оҥордубут», — диир оройуоннааҕы үөрэх кыһатын биир идэлээх сойуустарын бэрэссэдээтэлэ Мария Алексеева.
Быыстапкаҕа бииртэн-биир киһи сөҕө, хайгыы, сэҥээрэ көрөр үлэтэ киирбит буолан, дьүүллүүр сүбэ кыайыылааҕы быһаарарыгар толкуйга түстэ. Түмүккэ, хайысхаларынан 1, 2, 3 истиэпэннээх дипломнар, кыттааччыларга сэртипикээттэр, ону таһынан харчынан бириэмийэлэр туттарылыннылар.
Арассыыйаҕа уонна Ленскэй оройуонугар педагог уонна уһуйааччы сылынан, ыытыллар тэрээһиннэргэ улуус педагогтара көхтөөхтүк кытталлар. Кинилэргэ анаан «Алмаз» эбии үөрэхтээһин баазатыгар бэртээхэй сүлүөт ыытыллыбыта. Айылҕаҕа туристическай сүлүөттэр, «Сэргэ» эбии үөрэхтээһин МКУ маастар-кылаастар, үөрэх тэрилтэлэригэр тэрээһин арааһа ыытыллыбыта.
Тохсунньу 5 күнүгэр Ньурба улууһугар 1955 с.т. дьахтар сүппүтүн туһунан СӨ Быыһыыр сулууспатын пресс-сулууспата иһитиннэрбитэ.…
Тохсунньу Таҥха ыйынан биллэр. Сыл ахсын сүллүүкүттэр хаһан тахсар этилэрий, ойбонтон хаһан уу ылар этибитий…
Бүгүн, тохсунньу 7 күнүгэр, өрөспүүбүлүкэ илин, соҕуруулуу-илин өттүгэр сөҥүү түһэрэ күүтүллүбэт. Мантан атын оройуоннарга кыралаан…
Саҥа дьыллааҕы бырааһынньыктар түмүктэнэн, симэммит харыйалары хомуйар кэм чугаһаата. Астрологтар маннык күннэргэ харыйаны хомуйары сүбэлииллэр:…
Судаарыстыбаннай Дуумаҕа дьиэ кэргэҥҥэ үһүс уонна онтон кэлэр оҕолор төрөөтөхтөрүнэ дьиэ кэргэн ипотекатын ыстаапкатын намтатар…
Бэрэсидьиэн академиятын эспиэрэ Татьяна Подольская быйыл уоппускаҕа барарга саамай барыстаах ыйдары эттэ. Кини иһитиннэрбитинэн, биэс…