sakha.gov
Ыам ыйын 19 күнүгэр Ил Дархан Айсен Николаев Мииринэйгэ саҥа ТЭС тутуутун боппуруостарынан мунньахтаата. Бу эбийиэк Ленскэй улууһугар тутуллуохтаах.
“Саха сирин сайдыытын бытаардар биир мэһэйинэн тырааныспар уонна энергетика моһуона 60-70 сылларга бырайыактаммыта буолар. Оччотооҕу кэм барыла эрэгийиэн сайдыытыгар бүгүҥҥү күннээҕи көрүүттэн атын суоттааһынтан таҥыллыбыта. Билигин Саха сирин экэниэмикэтэ быдан түргэн тэтиминэн сайда турар. Онон Ленскэйдээҕи ТЭС тутуутуттан Саха сирэ эрэ буолбакка, Уһук Илин уонна Илин Сибиир сайдыылара тутулуктаах”- диэн Ил Дархан тоһоҕолоон эттэ.
“Новоленскай” диэн ааттанар ТЭС Илиҥҥи полигон тутуутун иккис түһүмэҕин хааччыйыаҕа, ону таһынан Бодойбо оройуонун эмиэ хааччыйыахтаах. Бу эбийиэк тутуута Мииринэй уонна Ленскэй улуустарга саҥа үлэ миэстэлэрин таһаарыаҕа.
Мунньахха эбийиэги гааһынан хааччыйыы, тутуу матырыйаалларын тиксэрии, хаһаас уматыгы харайыы уо.д.а. үлэ боппуруостара ырытылыннылар.
Саҥа ыстаансыйа икки энергоблоктан таҥыллыаҕа, күүһэ 550 Мвт тэҥнэһиэҕэ. ТЭС 2028 сылга үлэҕэ киириэхтээх.
Бүгүҥҥүттэн Дьокуускай куоракка Саха Өрөспүүбүлүкэтин муниципальнай тэриллиилэрин бэрэстэбиитэллээх уорганнарын дьокутааттарын III сийиэһэ саҕаланна. Сийиэс икки…
РФ билимин, үрдүк үөрэҕин министиэристибэтэ 2026-2027 үөрэх дьылыгар министиэристибэ иһинэн үлэлиир үрдүк үөрэх кыһаларыгар тутарсарга,…
Федеральнай ханаал бырагырааматыгар Саха сиригэр олорор дьахтар төрүүр дьиэҕэ оҕотун уорбуттарын туһунан кэпсээтэ. Бу түмүгүнэн…
- «Улуу Кыайыы айымньылара » рубрикаҕа сэрии дьон дьылҕатынан оонньуурун туһунан Прокопий Чуукаар «Дьол хараҕын…
Арассыыйа бэрэсидьиэнэ Владимир Путин «Сахатранснефтегаз» национальнай ньиэп уонна гаас хампаанньатыгар тус махталын биллэрдэ. Туһааннаах дьаһал…
Саха Өрөспүүбүлүкэтин култууратын уонна духуобунай сайдыыга министиэристибэтэ уонна Хомус Аан дойдутааҕы түмэлэ тэрийиилэринэн, 2025 с.…