Хаартыска Ленскэй улууһун дьаһалтатын саайтыттан
Улуус баһылыга Александр Черепанов «Азия оҕолоро» норуоттар икки ардыларынааҕы VIII оонньууларга кыттыбыт спортсменнары уонна кинилэр тириэньэрдэрин көрүстэ.
Улуус баһылыга дьаныардаах бэлэмнэниилэрин, кыайыыга дьулуурдарын, кыһамньыларын бэлиэтээн туран сэртипикээттэри туттарда диэн суруйар улуус дьаһалтатын пресс-сулууспата.
Ленскэй улууһуттан Дьокуускайга»Азия оҕолоругар» алта спортсмен кыттыбыта: икки спортсмен чэпчэки атлетикаҕа уонна 4 дзюдоист. Маннык үрдүк таһымнаах күрэхтэһиигэ кыттыы элбэх киһиэхэ холобур буолар. Дойдулаахтарбыт чиэстээхтик кытыннылар. Күүстээх спортсменнардаах улахан күрэхтэһиигэ Виктория Воробьева мэтээл ылары ситистэ. Кини үрдүгү ыстаныыга үрүҥ көмүс призер буолла.
Бу улахан таһымнаах оонньууга кыттыы кыайыыга тэҥнээх буоларын А.Черепанов бэлиэтээтэ. Эдэр спортсменнар манна кыттан улахан үөрүйэхтэнэллэр, сайдаллар. Бу кинилэргэ тирэх буолан, кыайыыга кынаттыыр. Салгыы улуус баһылыга «Азия оҕолоругар» кыттыбыт дзюдоистарга Владимир Ступкиҥҥа, Глеб Потаповка, Айдила Айдашеваҕа уонна Мария Саенкоҕа, ону сэргэ тириэньэрдэригэр Ванесса Федороваҕа сэртипикээттэри туттарда. Сэртипикээттэри чэпчэки атлетикаҕа кыттыбыт спортсмен Иван Харченко, «Азия оҕолорун» үрүҥ көмүс призера Виктория Воробьева уонна тириэньэр Павел Бондарев туттулар диэн улуус дьаһалтатын пресс-сулууспата бэлиэтиир.
Хаартыска улуус дьаһалтатын саайтыттан.
Арассыыйа олохтоохторо 2026 сылга мунньуллар биэнсийэлэриттэн 440 тыһыынча солкуобайы биир кэмнээхтик ылыахтарын сөп диэн РИА…
Дьокуускайга өрөспүүбүлүкэ муниципальнай тэриллиилэрин бэрэстэбиитэллээх уорганнарын дьокутааттарын III сийиэһин пленарнай мунньаҕын улуустартан уонна нэһилиэктэртэн кэлбит…
Киин куоракка икки күн устата өрөспүүбүлүкэ муниципальнай тэриллиилэрин бэрэстэбиитэллээх уорганнарын дьокутааттарын III сийиэһэ үгүс дьокутааты…
Ил Дархан туһаайан этиитигэр дьоҕус урбааны өйүүр боппуруоска болҕомтотун ууруо диэн, норуот дьокутаата, Ил Түмэн…
“Илии сылааһа” сыах (сал. Саввина И.Е.) филиала Куокуйдааҕы “Надежда” холбоһук (сал. Еремеева Т.У.) бу сылга…
Дьокуускайдааҕы полиция 1-кы №-дээх отделын дьуһуурунай чааһыгар олохтоох дьахтар кини аатыгар сокуоннайа суохтук 145 тыһ.солк.…