Хаартыска: пресс-сулууспа
“Саханефтегазсбыт” АУо «Ленскэйдээҕи нефтебаза» салаата ыам ыйын 20 күнүгэр Ленскэй, Мииринэй уонна Өлөөн улуустарыгар наадалаах АИ-95 мааркалаах бэнсиини тиэйбит ТО-154 бастакы танкеры үөрүүлээх быһыыга-майгыга көрүстэ.
Бу — тэрилтэ 2025 сылга уу суолун арыйбытын уонна көхтөөх үлэтэ саҕаламмытын бэлиэтэ.
Уу суола арыллар үөрүүлээх сиэригэр-туомугар «Саханефтегазсбыт» АУо салалтатын бэрэстэбиитэллэрэ: Елена Бочкарева – табаар-кэмиэрсийэ департаменын салайааччы, Евгений Попов – ресурса уонна хаачыстыба отделын начаалынньыгын солбуйааччы, Руслан Нагорнай – Ленскэйдээҕи ньиэп базатын дириэктэрэ, Наталья Черепанина – табаар салаатын дириэктэрин солбуйааччы кытыннылар.
“Саханефтегазсбыт” АУо улахан салаалаларыттан биирдэстэрин – Ленскэйдээҕи нефтебаза дириэктэрэ Руслан Нагорнай ТО-1554 ЛОРП танкер хапытаана Геннадия Быбаны эҕэрдэлии көрүстэ уонна тэрилтэ кэлэктиибин аатыттан бэлэҕи – балыктыырга спиннинг туттарда.
Бастакы танкеры сэргэ, рейдэҕэ АЛРОСА хампаанньаҕа оттугу тириэрдибит түөрт нефтеналивнай суудуна үлэлиир.
«Саханефтегазсбыт» АУо генеральнай дириэктэрэ, СӨ норуодунай дьокутаата Виктор Лебедев иһитиннэрбитинэн, Ленскэйдээҕи нефтебазаҕа уу суолунан таһаҕаһы тириэрдии алтынньы үһүс декадатыгар диэри салҕаныаҕа. Кини уу суолун арыйыы – өрөспүүбүлүкэҕэ дьоһун суолталаах түгэн буоларын, тоҕо диэтэххэ, уу суола ньиэп бородууктата кэмигэр тириэрдиллэрин уонна кыһыҥҥы кэмҥэ тэрилтэлэр, нэһилиэнньэ туруктаах үлэлэрин хааччыйарын туһунан эттэ.
«Саханефтегазсбыт» сайыҥҥы уу суолун кэмигэр бэйэтин салааларыгар 136,6 тыһыынча туонна оттугу тириэрдэрэ былааннанар.
«Саханефтегазсбыт» АУо пресс-сэкирээтэрэ Яна БАЙГОЖАЕВА
Тохсунньу саҕаланыаҕыттан Дьокуускайга саастарын ситэ илик оҕолор уруулга олорон, иккитэ массыына саахалланыытын таһаардылар. Тохсунньу 8…
Бу көҕүлээһининэн Уопсастыбаннай балаата дьарыктана сылдьар. "Дьиэ кэргэн стипендията" ый аайы төлөнүөҕэ уонна тиийинэн олоруу…
Авиахампаанньалар кулун тутар 1 күнүттэн пассажирдарга эрдэттэн көтүү усулуобуйатын, билиэккэ киирбит уларыйыылар, көтүүттэн аккаастаныы уонна…
Уус Маайа улууһун борокуратуурата дьахтарга көрүллүбүт күһэлэҥ үлэни накаастабыл атын көрүҥүнэн солбуйар туһунан суут көрбүт…
Нам улууһун Аппааны сэлиэнньэтигэр “Култуура” национальнай бырайыагынан 2022 сыллаахха тутуллубут Култуура дьиэтигэр наадалаах малы-салы киинэни…
Арассыыйаҕа ипэтиэкэни хос аахтарыыга (рефинансированиеҕа) киирэр уларыйыылар олунньу 1 күнүттэн олоххо киириэхтэрэ – комбинированнай ипэтиэкэ…