Ленскэйдээҕи технологическай техникум устудьуоннара саҥа үөрэтэр-лаборатория куорпуһугар көстүлэр. Үөрэх кыһата бырамыысыланнас тэрилтэлэригэр каадырдары үөрэтэн таһаарар.
Техникум устудьуоннарын, преподавателларын уонна Ленскэй улууһун олохтоохторун Ил Дархан Айсен Николаев эҕэрдэлээтэ.
Кини манна үс сыллааҕыта кэлэ сылдьыбыта.
«Өссө үс сыл анараа өттүгэр Ленскэйгэ техникумҥа анаан, «Алмаас» стадионтан уонна успуорт саалаларыттан чугас баар дьиэни көрбүппүт олус ырааппыт курдук. Онно өрөспүүбүлүкэ өрөмүөн улахан аҥаарын бэйэтигэр ыларын курдук дуогабардаспыппыт. Онтон бүгүн ыытыллыбыт үлэ түмүгүнэн биһиги технологическай техникуммут маннык үчүгэй дьиэлэннэ. Барыгытын, бастатан туран, устудьуоннары, преподавателлары маннык үтүө түгэнинэн ис сүрэхтэн эҕэрдэлиибин», -– диэтэ Айсен Николаев.
Саҥа дьиэҕэ уотун-күөһүн, сантехникатын барытын уларыттылар, вентиляция уонна видео-тэрил оҥордулар. Ону таһынан кэбиниэттэри кэҥэттилэр, бибилэтиэкэ уонна буфет эбилиннилэр.
Айсен Николаев аныгыскы хардыынан куорпус чугаһыгар баар учаастакка уопсай дьиэни тутуу буолуохтааҕын бэлиэтээн эттэ.
«Ленскэй улууһун бырамыысыланнай сайдыытыгар, бастатан туран, ньиэп-гаас бырамыысыланнаһыгар олохтоох нэһилиэнньэ кыттара улахан суолталаах. Чуолаан Ленскэй олохтоохторо манна үлэлиэхтээхтэр, үрдүк дохуоттанар курдук хамнастаныахтаахтар», -– диэн Айсен Николаев олохтоох нэһилиэнньэҕэ баар кыахтары бэлиэтээтэ.
Санатан эттэххэ, Саха сирин баһылыгын, бырабыыталыстыбатын быһаарыыларынан оҥоһуллубут бырагыраама быһыытынан, өрөспүүбүлүкэҕэ орто анал үөрэх 25 тэрилтэтэ чугастааҕы биэс сылга толору өрөмүөннэниэхтээх уонна саҥардыллыахтаах, аныгы технологическай базалаах буолуохтаах.
Ил Дархан техникум кэлэктиибигэр уус-уран кинигэни атыылаһалларыгар 100 тыһыынча суумалаах сэртипикээти бэлэхтээтэ. Билигин техникум бибилэтиэкэтэ 7500 кинигэлээх, онтон 5 тыһыынчаттан тахсата -– учуобунньуктар. Ленскэй техникума быйыл үйэ аҥаардаах үбүлүөйүн бэлиэтиир. Сыл аайы 100-чэ устудьуон үөрэҕин бүтэрэр. Манна өрөспүүбүлүкэ атын улуустарыттан эмиэ кэлэн үөрэнэллэр.
Техникум дириэктэрэ Оксана Бутакова иһитиннэрбитинэн, устудьуоннар улахан аҥаардара үөрэх кэнниттэн Ленскэй улууһугар бырамыысыланнас уонна ньиэби хостуур тэрилтэлэргэ үлэлии хаалаллар.
Уус Алдан улууһун Бээди оскуолатын 2-с кылааһын үөрэнээччитэ Эрхан Захаров улахан киһилии хорсун быһыыны оҥорбут,…
Дойду бэрэсидьиэнэ Владимир Путин көҕүлээһининэн Саха сиригэр култуура сайдар. “Добро.рф ассоциацияҕа” киирэр “Култуура волонтердара” Бүтүн…
Уус Алдан улууһун Бороҕоннооҕу оҕо ускуустубатын оскуолатын материальнай-тиэхиньиичэскэй баазата биллэрдик хаҥаабыт. Дойду бэрэсидьиэнэ Владимир Путин…
Быйыл Арктика улуустарыгар Арктикатааҕы атыы-логистика хампаанньата олохтоох хаһаайыстыбалар үүннэрбит хаппыысталарын, сүбүөкүлэлэрин, моркуоптарын уонна хортуоппуйун киллэрэн…
ИДьМ Дьокуускайдааҕы 4-с нүөмэрдээх полиция салаатын дьуһуурунай чааһыгар, мэдиссиинэ тэрилтэтиттэн, куорат биир кыбартыыратыгар эр киһи…
Киһи кулгааҕа тыаһы, дорҕоону икки кулгааҕынан истэргэ аналлаах. Өскөтүн биир эрэ кулгаахха наушнигы кэтэн иһиттэххэ…