Ленскэйдэр икки сылынан буолар ыһыахха бэлэмнэнэллэр

Ленскэй оройуонун Бэчинчэ нэһилиэгэр чороон оҥоруутугар маастар-кылаас буолбут. Бу туһунан Жанна Афанасьева иһитиннэрдэ.

-Биһиэхэ Дьокуускайтан кэлэн чороон оҥоруутугар маастар-кылаас ыытан бэркэ сэргэхситтилэр. Онон  нэһилиэкпитигэр чороон оҥорор  үс киһилэннибит. Улууспут култууратын салайааччыта Жанна Михайловна Капралова  бу тэрээһини олохтоохторго анаан тэрийдэ.   Маастар-кылаас  сүрүн соруга 2027 сылга буолуохтаах Олоҥхо ыһыаҕар бэлэмнэнии үлэтэ буолар. Маастар-кылааһы Артем Трофимов  ыытта, — диэн кэпсээтэ.