Хаартыска: Үлэ, социальнай сайдыы министиэристибэтин пресс-сулууспата.
Ленскэй оройуонугар бу сылга номнуо 100 ахсааннаах оҕо төрөөтө, кинини бэс ыйын 23 күнүгэр балыыһаттан таһаардылар. Бу бэлиэ ахсаанынан төрөөбүт оҕонон Витимҥэ олорор эдэр ыалга, Валерия, Никита Петрушиннарга үһүс оҕонон төрөөбүт кыыс буолла.
3750 кыраам ыйааһыннаах, 56 уһуннаах кырачаан кыыс бэс ыйын 20 күнүгэр төрөөбүтэ. Кинини Дарина диэн ааттаатылар. Петрушиннар 8 саастаах Милана диэн кыыстаахтар уонна 2 саастаах Савелий диэн уоллаахтар. Ийэлэрэ 28 саастаах, дьиэҕэ оҕолорун көрөн олорор, аҕалара ньиэп-гаас тэрилтэтигэр үлэлиир.
Үбүлүөйдээх оҕону үөрүүлээх быһыыга-майгыга балыыһаттан таһаарарга оройуон дьаһалтатын ыччакка, дьиэ кэргэн бэлиитикэтигэр кэмитиэт бэрэссэдээтэлэ Александра Сидорова кэлэн эҕэрдэлээтэ. Кини бэйэтэ сотору ийэ буолаары сылдьар. Эдэр төрөппүттэргэ оройуон баһылыгын аатыттан 100 тыһыынча солкуобайдаах сэртипикээти туттарда уонна үһүс оҕоҕо туох төлөбүрдэр, чэпчэтиилэр баалларын иһитиннэрдэ. Маны тэҥэ, «100 сыл оҕолоро» хапытаал сэртипикээтин эмиэ туттулар.
Петрушевтар балыыһаттан тахсаат, тута дьиэлэригэр, Витимҥэ айаннаатылар.
Үлэ, социальнай сайдыы министиэристибэтин пресс-сулууспата.
Cаҥа дьылы кэтэһии бырааһынньыктааҕар ордук үчүгэй, күүтүүлээх, күндү курдук буолар. Оннук күндү кэтэһиини биһиги бэйэбит…
Ыйытыыга Арассыыйа ФНС Саха Өрөспүүбүлүкэтигэр управлениетын 1 разрядтаах исписэлииһэ Пелагея Гуляева маннык хоруйдаата: — Арассыыйа ФНС саайтыгар…
Быйыл 3-тэн 79-гар диэри саастаах нэһилиэнньэ уопсай ахсааныттан физическэй култууранан уонна успуордунан систиэмэлээхтик дьарыктанар дьон…
РИА Новости ааҕан-суоттаан таһаарбытынан, эһиил дойдуга сааһынан страховой биэнсийэ барыларыттан ордук Чукоткаҕа үрдүөҕэ, онно эбиллиитэ…
Дьокуускай куорат борокуратуурата киин куорат икки олохтооҕун туһунан судаарыстыбаннай буруйдааһыны өйөөтө. Кинилэр РФ ХК 126-с…
Бүгүн, ахсынньы 20 күнүгэр, Дьокуускай куоракка өрөспүүбүлүкэ бары муниципальнай оройуоннарыттан уонна куорат уокуруктарыттан 8-11 кылаас…