Ленскэйгэ 17 саастаах оҕо массыынаны күрэтиигэ сыһыаннааҕын быһаардылар

Суһал иһитиннэриинэн  ИДьМ сулууспатын Ленскэй улууһун отделын холуобунай ирдэбилин үлэһиттэрэ 17 саастаах олохтооҕу «Toyota Land Cruiser Prado» массыынаны күрэтиигэ сыһыаннааҕын быһаардылар. Бу туһунан Саха сиринээҕи ИДьМ пресс-сулууспата иһитиннэрэр.

Быарыллаан быһаарыынан, уол оҕо сайынын баазаҕa үлэлии киирбит. Кини бааза хаһаайына үксүгэр массыынатын  күлүүһүн солуоҥҥа хаалларарын билэр эбит. Ону туһанан, уорбаланааччы атын киһи массыынатын күрэтэн куоратынан хатааһылыырга быһаарыммыт. Ол эрээри, тимир көлөнү сатаан салайбакка, суолтан туораабыт.

Саахал түмүгэр уол оҕо эчэйбэтэх. Төрөппүттэрэ эбээһинэстэрин ситэри толорботторун иһин эппиэтинэскэ тардар сыалтан, массыынаны күрэппит уолга сыһыаннаах матырыйааллар сокуоннай саастарын ситэ илик оҕолор дьыалаларын отделыгар ыытылыннылар. Уолга РФ Холуобунай Кодексатын 166-с ыстатыйатын 1 чааһынан («Уоруу сыала суох массыынаны эбэтэр атын тырааныспар сириэстибэтин сокуоннайа суох бас билии») холуобунай дьыала тэрилиннэ.