Бу киэһэ, кулун тутар 3 күнүгэр, Ленскэй оройуонун сорох сиринэн ардах түстэ. Ону видеоҕа устан, Ленскэй олохтоохторо социальнай ситимнэргэ ыыттылар уонна «Ленский вестник» хаһыат редакцията бэйэтин телеграмм-ханаалыгар таһаарда.
Видеону устан ыыппыт Ленскэй олохтооҕо Николай ардах түспүтүн туһунан бу курдук кэпсээтэ: «Кулун тутар 3 күнүгэр ардах түспүтүгэр бары даҕаны соһуйдубут. Ленскэй куоратыгар 10 мүнүүтэ түстэ. Оттон Орто Наахара уонна Чамча диэки дохсуннук уонна уһуннук түспүтүн кэпсээтилэр. Киһи өйүгэр батан киирбэт».
Соторутааҕы норуот билгэһитэ Тускул кулун тутар саҥатыгар халлаан туругун билиһиннэрэригэр Бүлүү эҥэр ардах түһүөн сөп диэн эппитэ. Тускул 1998 сыллаахха Дьокуускай куоракка +2 кыраадыска тиийэ сылыйбыта диэн турардаах.
Санатан эттэххэ, 1945 сыл муус устар ыйыгар Амма улууһун Лээги нэһилиэгэр ардаабытын туһунан срукка тиспиттэрэ баарын, суруйан турабыт: «1945 сыл муус устар 7-8 күннэригэр Лээги нэһилиэгин киинигэр икки күнү быһа тохтуу-тохтуу итии самыыр дохсуннук түстэ. Итини кытта сэргэ муус устар 7 күнүгэр киэһээ 8-9 чаас саҕана хараҥа былыт тахсан баран чаҕылҕан чаҕылыйда уонна этиҥ эттэ».
Эмиэ соторутааҕыта Өлүөхүмэ оройуонугар чаҕылҕан чаҕылыйбытын, этиҥ эппитин, силлиэлээх-буурҕа түспүтүн туһунан суруйан турабыт. Онон 80-ча сыл буолан баран, айылҕабыт дьикти көстүүтэ хатыламмыт курдук. Ол гынан баран 45-с сыллааҕар биир ыйынан эрдэлээбит диэххэ сөп.
Лада дьиэтигэр киэһэ 9 чаас саҕана түгэх хоһугар көмпүүтэргэ үлэлии олорон, эмискэ ойон туран түннүк…
Уһун өттүктээх, халыҥ бууттаах, кылгас бэрбээкэйдээх, модьу-таҕа атахтаах, убаҕас сиэллээх, хомпоҕор кэҥэриилээх, киэҥ таныылаах, уһун…
Сэтинньи 2 күнүгэр СӨ Оһуокай түмсүүтүн ыҥырыытынан ытык дьоммут, Арассыыйаҕа туризмы тэрийиигэ хонноохтоохтук ылсан үлэлии…
Таатта улууһун Харбалаах сэлиэнньэтин олохтоох бибилэтиэкэтин дьиэтигэр аҕам саастаах дьон - урукку хомсомуоллар Харбалаахтааҕы үөрэхтээһин…
Сунтаар улууһун дьаһалтатын, тыа хаһаайыстыбатын, үөрэҕирии, култуура о.д.а. управлениелар үлэһиттэрэ салайааччы Анатолий Григорьев тула түмсэн,…
Алексей Кулаковскай-Өксөкүлээх Өлөксөй саха сайдыытын түстээбит “Саха интеллигенциятыгар суруга” бүгүҥҥү күҥҥэ диэри ким өҥөтүнэн тиийэн…