Хаартыска: www.sakha.gov.ru
Ленскэй куоракка адаптивнай успуорт көрүҥнэригэр спартакиада буолан ааста. Күрэхтэһиигэ байыаннай дьайыы бэтэрээннэрэ кытыннылар. Кинилэр бырагыраама бары көрүҥнэригэр бэйэлэрин көрдөрдүлэр уонна хас да бириистээх миэстэни ыллылар. Бу туһунан www.sakha.gov.ru иһитиннэрэр.
Тэрийээччилэр этэллэринэн, бу тэрээһин доруобуйаларынан хааччахтаах дьоҥҥо дьиҥнээх бырааһынньыгынан буолла. Бырагыраамаҕа көлүөһэҕни быраҕыы, дуобат, остуол тенниһэ, салгын саанан ытыы, ох саанан ытыы курдук көрүҥнэр киирдилэр.
«Спартакиадаҕа дьиҥнээх бырааһынньык тыына баар этэ. Маннык көрсүһүүлэри куруук ыытыахха наада — успуорт эрчими, күүһү-уоҕу биэрэр. Социальнай координатор Светлана Александровнаҕа ураты махтал», — диэн байыаннай дьайыы бэтэрээнэ Евгений Ланге санаатын үллэһиннэ.
Спартакиада бочуоттаах ыалдьытынан Адаптивнай успуорт көрүҥнэригэр өрөспүүбүлүкэтээҕи киин дириэктэрэ, Арассыыйа Паралимпийскай кэмитиэтин Саха Өрөспүүбүлүкэтээҕи эрэгийиэннээҕи салаатын бэрэссэдээтэлэ Ньургун Иванов буолла. Кини байыаннай дьайыы бэтэрээннэрин кытта Пуонда филиалын социальнай координатора Светлана Манакова кыттыылаах көрүстэ.
«Төгүрүк остуол» кэпсэтиитин чэрчитинэн өрөспүүбүлүкэҕэ адаптивнай физкултуура сайдыытын уонна Ленскэй оройуоҥҥа успуорт тэрээһиннэрин ыытыы кэскилин дьүүллэстилэр. Бу тэрээһиҥҥэ СӨ Ил Дарханын Айсен Николаев «Саха сирэ – Дьоруойдар сирдэрэ» диэн каадыр бырагырааматын курсааннара Ришат Аюпов уонна Назар Петров кыттыбыттара ураты суолтаны биэрдэ. Кинилэр спартакиадаҕа сылдьан, күрэхтэһиигэ көхтөөхтүк кытыннылар.
«Байыаннай дьайыы бэтэрээнин олоҕор успуорт — эйэлээх олоххо адаптацияланар уонна социализацияланар олус суолталаах. Биһиги көмүскээччилэрбит успуорт тэрээһиннэргэ кыттар кыахтан куруук үөрэллэр», — диэн социальнай координатор Светлана Манакова бэлиэтээтэ.
"Муравьев-Амурскай 2030" бырагыраама бэһис түһүмэҕин саҕаланыыта Москваҕа «Арассыыйа» национальнай кииҥҥэ үөрүүлээх быһыыга-майгыга ыытыллар. РФ Уһук…
Тирэх пуун үлэһиттэрэ байыаннай сулууспалаахтарга баһыылкалары тиэрдэллэр. Бу туһунан өрөспүүбүлүкэ тирэх пууннарын сүрүн координатора "Юстас"…
Киһи барыта баттаҕа хойуу, үчүгэй туруктаах, көстүүлээх буолуон баҕарар. Онуоха кэмиттэн-кэмигэр араас мааскалары оҥостуохха сөп.…
Суоттуга Хоноҕордооҕу "Түһүлгэ" сынньалаҥ киинигэр нэһилиэкпит аҕам саастаахтарыгар анаан Саҥа дьыллааҕы ураты тэрээһин буолла. …
2 №-дээх полиция отделын дьуһуурунай чааһыгар балыыһаттан ойоҕоһугар тостуулаах киһи киирбитин туһунан иһитиннэрии киирбит. Холуобунай…
Дьарыктаах буолуу сулууспатын көмөтүнэн ааспыт сылга өрөспүүбүлүкэҕэ байыаннай эпэрээссийэ 121 кыттыылааҕын үлэҕэ ыллылар. 61 киһи анал…