Ленскэйгэ байыаннай дьайыы кыттыылаахтарыгар хаппыыста түҥэттилэр

Ленскэй нэһилиэк олохтоох дьаһалтата бу күннэргэ байыаннай дьайыы кыттыылаахтарыгар уонна кинилэр чугас дьонноругар оҕуруот аһын түҥэттилэр. Бу туһунан «Эҥсиэли» хаһыат суруйар.

Ол курдук, Хамаҕатта олохтооҕо, “Саҥа сүүрээн” бааһынай хаһаайыстыба салайааччыта Александр Жирков быйыл байыаннай дьайыы кыттыылаахтарыгар, кинилэр чугас дьонноругар хаппыыста биэрэн бэйэтин өйөбүлүн биллэрдэ.

Бэлиэтээн эттэххэ, Александр Жирков сыллата хортуоппуйунан, оҕуруот аһынан көмөҕө наадыйбыттарга көмөлөһөр. Быйыл сайын “Саҥа сүүрээн” хаһаайыстыба хаппыыста хомууругар үрдүк, өлгөм үүнүүнү ылбыта. Бээтинсэттэн саҕалаан 95 киһиэхэ биирдии куул хаппыыста түҥэтэбит. Быйылгы сылтан байыаннай дьайыы кыттыылаахтарын дьиэ кэргэттэригэр Нам сэлиэнньэтин тэрилтэлэрэ сыһыарылыннылар. Мантан күһүн тэрилтэлэр дьиэ кэргэттэргэ муус ылыытыгар көмөлөһөллөрө күүтүллэр”, – диир олохтоох дьаһалта үлэһитэ Полина Иванова.

Харысхан Попов