Ленскэйгэ булчут суорума суолланна

Саха сиригэр булт сезона саҕаланыаҕыттан хас даҕаны киһи суорума суолланна. Ыам ыйын 17 күнүгэр Ленскэйгэ эр киһи бултуу сылдьан, ууга былдьанна диэн СӨ Быыһыыр сулууспатын пресс-сулууспата иһитиннэрэр.

Ыам ыйын 17 күнүгэр эр дьон үһүө буоланнар Соҕуруу Нүүйэ диэки бултуу барбыттар, үүтээҥҥэ тохтообуттар. Эбиэттээн баран биир киһи мотуордаах оҥочонон тус малларын ыла барбыт. Айаннаан иһэн ууга түспүт, бэйэтэ тахсыбыт. Доҕотторо кэпсээбиттэринэн, бу киһи атын үүтээҥҥэ тохтообут, ол эрээри эппит бириэмэтигэр кэлбэтэх.

Булчуттартан биирдэстэрэ сүппүт киһи оҥочотун үүтээнтэн 7 км тэйиччи сытар сиртэн булбут. Онно инчэҕэй маллара бааллар эбит. Эр дьон доҕордорун көрдүү сатаабыттар даҕаны, булбатахтар. Кэлин ойоҕор иһитиннэрбиттэр.

Ленскэйтэн булчуту көрдүү полициялар суһал бөлөхтөрө туруммут. Ыам ыйын 20 күнүгэр үүтээнтэн балтараа килэмиэтирдээх сиртэн Нүүйэ үрэхтэн өлүгүн булбуттар.