Хаартыска: Быыһыыр сулууспа пресс-сулууспата
Олунньу 20 күнүгэр киэһэ 22:17 чааска Ленскэй оройуонун дьуһуурунай ЕДДС 112 тиһигэр тыаҕа снегоходунан барбыт эр киһи көмө көрдүүрүн туһунан иһитиннэрии киирбит.
Быыһыыр сулууспа пресс-сулууспата иһитиннэрбитинэн, икки эр киһи «Буран» снегоходунан тыаҕа бултуу тахсыбыттар. Кинилэртэн биирдэстэрэ инники айаннаабыт, оттон иккис киһи кэнниттэн батыһыннаран иһэн, хаспахха түһэн хаайтарбыт. Таһаҕас тиэйиилээх снегоходу эр киһи хаспахтан сатаан таһаарбатах. Ленскэй куоракка олорор дьүөгэтигэр суотабай сибээһинэн эрийэн тахсыбыт уонна көмө наадатын туһунан тыллаабыт. Үһүс арыылаах аттыгар баарын туһунан сирдээбит. Салгын температурата ол күн -18С тымныы эбит.
«Иһитиннэрии киирбитин кэннэ, быыһыыр сулууспа үс быыһааччыта уонна ЫБММ биир быыһааччыта эр киһини көрдүү тахсыбыттара, — диэтэ бөлөх салайааччыта Павел Молотков.
«Буран» уонна наарта тиэйиилээх бырысыаптаах УАЗ массыынанан айаннаабыппыт. Хаар түһэр этэ, кыра тибиилээҕэ. Салгыы «Буран» снегоходунан көрдүү айаннаабыппыт. Үс үүтээни кэрийэн баран, үсүһүгэр эр киһини түүн 3:00 чаас саҕана булбуппут. Эр киһи көмөнү ыҥыран баран, чугастыы булчуттар үүтээннэригэр 10 км сатыы хааман тиийбит. Булчут этэҥҥэ, мэдиссиинэ көмөтүгэр наадыйбата. Кэлин эр киһи «Буран» снегоду хостоон биэрэллэригэр көрдөспүт.
Дьокуускай куорат мээрэ Евгений Григорьев пресс-кэмпириэнсийэ кэмигэр суруналыыстар киин куоракка сылы эргиччи үлэлиир итии былаһааккалары…
Төрөөбүт тыллары харыстыыр уонна сайыннарар судаарыстыбаннай бырагыраама чэрчитинэн, 2026 сылтан саҕалаан, муниципальнай бибилэтиэкэлэргэ оҕо төрөөбүт…
Дьокуускайга Бүлүүлүүр суолга баар сыбаалка билигин да умайа турар. Уоту умуруорар үлэ ыытыллар диэн киин…
Бүгүн Дьокуускай куоракка Опера уонна балет тыйаатырын дьиэтигэр өрөспүүбүлүкэ муниципальнай тэриллиилэрин бэрэстэбиитэллээх уорганнарын дьокутааттарын III…
Дьокуускай олохтооҕо дьахтар наркотигынан эргинэн 17 сылга көҥүлэ быһыллар буолла диэн СӨ борокуратуурата иһитиннэрэр. Суут…
Саха сирин олохтоохторо МАХ национальнай мессенджергэ «Мин докумуоннарым» киин чат-ботун көхтөөхтүк туһанар буоллулар. Сервис бу…