Ленскэйгэ бултаан иһэр киһиттэн «Тигр» харабыыны былдьаатылар

Ленскэй оройуонугар полиция холуобунай ирдэбилин үлэһиттэрэ суһал иһитиннэриини бэрэбиэркэлии сылдьан, 39 саастаах олохтоохтон регистрацияламматах «Тигр» бултуур хараабын сааны буллулар уонна былдьаатылар.

Массыына Ленскэй куоракка киирэр суолга тохтотуллубут. Суоппар бултаан төннөн испит. Кини быһаарбытынан, бырсыапка сытар саа билэр киһитин киэнэ эбит. Бу чахчынан оройуон полицията  РФ Холуобунай кодексатын 222-с ыстатыйатын 1-кы чааһынан (сэрии сэбин, сүрүн чаастарын, ботуруону сокуоннайа суох атыылаһыы, биэрии, атыылааһын, уурунуу, тиэйии эбэтэр илдьэ сылдьыы) холуобунай дьыала тэрийдэ, диэн СӨ ИДьМ пресс-сулууспата иһитиннэрэр.

Болҕойуҥ! Саха сиринээҕи ИДьМ санатарынан, өскөтүн киһи бэйэтин баҕатынан сокуоннайа суох баар сэрии сэбин, ботуруону уонна эстигэн тэриллэри полицияҕа туттардаҕына, киниэхэ харчы төлөнөр уонна кини холуобунай эппиэтинэстэн босхолонор.