Ленскэйгэ быраас сымыйа больничнай илииһи оҥорбутунан буруйданна

Ленскэй улууһун силиэстийэлиир отделынан Ленскэй куораттааҕы мэдиссиинэн тэрилтэтин неврологическай отделениетын сэбиэдиссэйигэр сыһыаннаах, РФ Холуобунай Кодексатын 292-с ыстатыйатын 1-гы чааһынан (дуоһунастаах сирэй атын тус интэриэһиттэн официальнай докумуоннарга сымыйа сибидиэнньэлэри биэрии) көрүллүбүт буруйу оҥорууга холуобунай дьыаланы силиэстийэлээһинин түмүктээтэ. Бу туһунан Саха сиринээҕи Силиэстийэлиир кэмитиэтин пресс-сулууспата иһитиннэрэр.

Силиэстийэнэн быһаарыллыбытынан, олунньу 3 күнүгэр буруйданааччы сулууспалыыр боломуочуйатын туһанан, билэр дьахтарын уолугар ыалдьарын туһунан сымыйа сибидиэнньэлээх больгничнай илииһи оҥорбут. Ол кэмҥэ уол оҥорбут административнай быраабы кэһиитин иһин хаайыыга олорбут. Силиэстийэнэн дакаастыыр баазаны хомуйарга уонна бигэргэтэргэ туһуламмыт силиэстийэлиир дьайыылар барыта ыытылыннылар.

Билиҥҥи кэмҥэ холуобунай дьыала борокуруорунан бигэргэтиллибит буруйдуур түмүктээх суут көрүүтүгэр ыытылынна.