Ленскэйгэ быыһааччылар 27 сүөһүнү тиэйэн иһэн хаайтарбыт КАМАЗы ороон таһаардылар

Дьыл кэмин уларыйыытыгар быыһааччылар көмөлөрө дьоҥҥо эрэ буолбакка, кыылларга-сүөллэргэ эмиэ ирдэнэр.

Ленскэй улууһугар Саха сиринээҕи Быыһыыр сулууспатын бөлөҕө 27 ынаҕы тиэйэн испит уонна  бадарааҥҥа баттыллыбыт КАМАЗ массыынаны таһаарарга көмөлөстө. Таһаҕас массыыната Баатамай сэлиэнньэтигэр барар суолга Мухтуйка үрэҕин туорууругар хаайтарбты. Быһылаан тахсыбыт сиригэр Александр Саморцев салайааччылаах Ленскэйдээҕи быыһыыр-көрдүүр этэрээт  үс быыһааччыта тиийбиттэр. Быыһааччылар балаһыанньаны сыаналаан баран, ыарахан тиэхиньикэни – баһаарынай «Урал» массыынаны көмөҕө ыҥырбыттар. Ол көмөтүнэн батыллыбыт КАМАЗы босхолообуттар. Сүөһүлэр анаммыт пууннарыгар этэҥҥэ тиэрдилиннилэр, диэн Саха сиринээҕи Быыһыыр сулууспата иһитиннэрэр.