Ленскэйгэ дьиэ баһаарыгар оҕолор эмсэҕэлээтилэр

Бүгүн сарсыарда Ленскэй оройуонун Витим бөһүөлэгэр Механизатордар уулуссаларыгар баар дьиэҕэ баһаар буолбутун туһунан иһитиннэрбиттэр. Бу туһунан СӨ ЫБММ телеграм-ханаала суруйар.

Баһаарынайдар баһаар буолбут сириттэн биир киһи өлүгүн булбуттар. Биир улахан киһи уонна үс оҕо эмсэҕэлээбиттэр.

Дьиэ 96 кв.м. уокка былдьаммыт. Баһаары умуруорууга 21 киһи уонна сэттэ тиэхиньикэ үлэлээбит.

Быһылаан буолбут сиригэр ЫБММ дознавателэ үлэлиир. Төрүөттэрин, хоромньуну быһаараллар.