Ленскэйгэ дьиэлэри халаабыт оҕолору туппуттар

Ленскэй оройуонугар дьиэҕэ киирэн уоруу тахсыбыт чахчыларынан түөрт холуобунай дьыала тэрилиннэ.

Икки 14 саастаах уонна 17 саастаах уолаттар уорбаланаллар. Бу туһунан Саха сиринээҕи Силиэстийэлиир кэмитиэтэ иһитиннэрэр.

Силиэстийэ чахчыларынан, быйыл муус устар ыйыгар Ленскэйгэ түөрт дьиэттэн оҕолор араас малы-салы уорбуттар. Ол курдук, күлүүстэри алдьатан, даача дьиэлэрин халаабыттар. Хоромньу суумата 50 тыһ.солк. кэриҥэ буолбут.

Полиция суһал дьаһаллары ыытыы кэмигэр ыччаттар кыттыгастаахтарын быһаарда. Кинилэргэ сыһыаннаан силиэстийэлиир дьаһаллар ылылыннылар.