Ленскэйгэ ДПС үлэһитин быһахтаабыт киһини икки сылга хаайдылар

2023 сыл сэтинньи 17 күнүгэр Ленскэй куорат суолугар итирик туруктаах «Мицубиси Паджеро» массыына суоппарын ДПС үлэһитэ тохтоппут. Массыына иһигэр боротокуол толоруу кэмигэр тутуллубут киһи эмискэччи полиция үлэһитигэр саба түспүт, быһаҕынан араас сиргэ анньыбыт.

Бу туһунан СӨ Силиэстийэлиир Кэмитиэтин телеграм-ханаалыгар иһитиннэрэр.  Эчэйии ылбыт ДПС үлэһитэ массыына иһиттэн куотан тахсыбыт.

Суут хомуллубут дакаастабылларга олоҕуран, сууттанааччы РФ Холубунай Кодексатын 318 ыстатыйатын 2 чааһыгар (былаас бэрэстэбиитэлигэр үлэтин оҥорор кэмигэр доруобуйатыгар кутталлаах эчэйиини оҥоруу) ыйыллыбыт холуобунай буруйу оҥорбутун биллэрбит уонна икки сыл уопсай эрэһиимнээх холуонньаҕа хаайарга уураах таһаарбыт.