Хаартыска -- СӨ Аҕа баһылыгын уонна Бырабыыталыстыбатын пресс-сулууспата.
Ленскэй оройуонугар сыл саҕаланыаҕыттан 400-тэн тахса ыраах сытар нэһилиэнньэлээх пуун олохтоохторо улуустарын быраастарыгар бэрэбиэркэлэннилэр.
Ленскэйдээҕи киин балыыһа эмчиттэрэ 2022 сыллаахха бастакы мэдиссиинэ көмөтүн оҥорууну саҥардыы бырагырааматын чэрчитинэн ылыллыбыт КамАЗ массыынаҕа олоҕурбут мобильнай диагностическай комплексы көхтөөхтүк туһаналлар. Бу мэдиссиинэ көлө көмөтүнэн быраастар Хамра, Ярославскай, Дорожнай, Батамай, Ньүүйэ уонна Хотугу Нүүйэ курдук ыраах нэһилиэктэргэ сылдьыбыттара.
Дойду Аҕа баһылыга Владимир Путин көҕүлээһининэн олоххо киирбит “Доруобуйа харыстабыла” национальнай бырайыак көмөтүнэн билигин маннык мобильнай комплекстар өрөспүүбүлүкэ үгүс улуустарыгар үлэлииллэр. Нэһилиэктэр, бөһүөлэктэр олохтоохторугар профилактика уонна диспансеризация кэмиттэн кэмигэр ыытыллар. Мобильнай хамаанда улахан дьоҥҥо клиническэй чинчийиини уонна сэрэтэр чинчийиилэри, ону тэҥэ хроническай инфекционнайа суох ыарыылаах ыарыһахтары көрөр-истэр.
2024 сыл саҕаланыаҕыттан улуус балыыһатын быраастара комплекс баазатыгар ыраах нэһилиэктэр уонна бөһүөлэктэр 436 олохтоохторун бэрэбиэркэлээтилэр. Маннык үлэ көрдөрөрүнэн, бастакы көмөнү оҥорууга маннык тэриллэринэн хааччыйыы улуус кииниттэн тэйиччи олорор дьоҥҥо мэдиссиинэ көмөтүн оҥорууну биллэ тупсарар кыахтаах.
Саха сирин олохтооҕо «Мечталлион» лотерея 93 тираһын сэттэ дьоллоох кыайыылаахтарын биирдэстэринэн буолла. Бу туһунан «Национальнай…
Сахаҕа “сах саҕаттан” диэн этии баар, суолтатын, ис хоһоонун соччо өйдөөбөтөрбүт да, туттабыт. Оттон өйдөөн-дьүүллээн,…
Сунтаар улууһун култууратын уонна айылгытын салалтата, Сунтаар бибилэтиэкэлэрин кииннэммит ситимэ сыл аайы тэрийэн ыытар «Сунтаар…
Успуорт чулуулартан чулуулары, чаҕылхайтан чаҕылхайдары таһаарарын таһынан, хайа да кэмҥэ, хайа да дойдуга норуоту сомоҕолуур,…
Айсен Николаев от ыйын 5 күнүгэр сылы быһа үлэлиир «Хотугу сулус» оҕо сынньалаҥын уонна чэбдигирдии…
Үтүө быһыыны амарах санаалаах, туруу үлэһит дьон оҥороллор диэтэхпинэ сыыспатым буолуо. Оннук дьонунан, байыаннай дьайыыга…