Ленскэйгэ энцефалиттаах клещкэ ытыттарыы үс түбэлтэтэ бэлиэтэннэ

Ленскэй оройуонугар энцефалиттаах клещкэ ытыттарыы үс түбэлтэтэ бэлиэтэннэ диэн Ленскэй оройуоннааҕы Роспотребнадзор иһитиннэрбит. 

Улуус үрдүнэн клещкэ 140 киһи ытыттарбыт. Бу дьон даачаҕа, айылҕаҕа сылдьан баран ытыттарбыттар.

«Клещ куоракка, даачаҕа, оҕуруокка, тыаҕа баар буолуон сөп. Витимҥэ уонна Пеледуйга ордук элбэхтэ ытыттараллар. Дьокуускайга 45 клещ анаалыска барбытыттан, үһүгэр энцефалиттаах диэн кэллэ. Билигин иккис баартыйаны ыытаары бэлэмниибит — 80 клещ баар», — диэн Ленскэйдээҕи Роспотребнадзор иһитиннэрэр.

Бырдахтан, клещтэн харыстанар ньымалар туһунан манна ааҕыҥ.