Ленскэйгэ эр киһи ойоҕун өлөрүүгэ буруйданна

Ленскэй оройуонун борокуратуурата олохтоох киһи дьахтары өлөрүүгэ холуобунай дьыалатыгар судаарыстыбаннай буруйдааһыны өйөөтө.

Суукка быһаарыллыбытынан, буруйдаах эр киһи гражданскай ойоҕун  сынньыбыт уонна тимир күрдьэҕинэн төбөҕө охсубут. Дьахтар тутатына суорума суолламмыт. Буруйу оҥоруу кэннэ эр киһи дьахтар өлүгүн мас тутууга көһөрбүт, онно сүгэнэн кэрдибит уонна сороҕун уматан баран сиргэ көмпүт. Ону таһынан эр киһи дьиэтигэр көҥүлэ суох сааны уонна ботуруоннары харайбыта биллибит.

Буруйданааччы буруйун сорҕотун эрэ билиммит, ол үрдүнэн суут уурааҕынан эр киһи 8 сыл 6 ыйга кытаанах эрэсиимнээх холуонньаҕа көҥүлэ быһылынна.  Бириигэбэр сокуоннай күүһүгэр киирэ илик.