Ленскэйгэ хаарбах дьиэттэн саҥа кыбартыыраҕа көстүлэр

Ленскэйгэ Нүүйэ уулуссатыгар саҥа элбэх кыбартыыралаах дьиэҕэ киирии үөрүүлээх тэрээһинэ бу күннэргэ буолан ааста.

«Хаарбах дьиэттэн көһөрүү» бырагыраама чэрчитинэн тутуллубут 105 кыбартыыралаах улахан дьиэҕэ хаарбаҕынан биллэриллибит дьиэлэргэ олорбут ыаллар көһөн киирдилэр. Бэдэрээти толорбут тутуу хампаанньата өр сыллар устата үтүө үлэтинэн биллэр олохтоох “777” хампаанньа.

Куорат баһылыга Анатолий Макушев саҥа дьиэҕэ киирээччилэри эҕэрдэлээтэ. «Судаарыстыба дьон олоҕун тупсарар социальнай бырагыраамалары салгыы ыытар”, — диэн эрэннэрдэ. Сиһилии бу сонуну “Ленский вестник” хаһыат саайтыгар ааҕыаххытын сөп.