Ленскэйгэ итирик эр киһи дворник күрдьэҕин уорбут

Ленскэй оройуонугар полиция отделын дьуһуурунай чааһыгар дворник дьахтар уоруу тахсыбытын туһунан тыллаабыт.

Кини быһаарбытынан, үлэлиир тэрилтэтин тиэргэнигэр хаар күрдьэр күрдьэҕинэн булбатах. Хоромньу суумата алта тыһыынча солкуобай буолбут. ИДьМ пресс-сулууспата иһитиннэрэринэн, урут сууттана сылдьыбыт 44 саастаах эр киһи буолара биллибит.

Уорбаланааччы итирик сылдьыбыт буолан, оҥорбут дьайыытын сатаан быһаарбатах. Хара санаалаах эр киһи эппитинэн, быласымаас күрдьэҕи аара дьиэлээн иһэн алдьаппыт уонна бырахпыт. Силиэстийэ кэмигэр полициялар уорбаланааччы атын уорууга эмиэ кыттыгастааҕын быһаарбыттар. Кини олохтоох киһи кыбартыыратын иһиттэн үнүстүрүмүөннэри уорбут. Холуобунай дьыала тэрилиннэ. Уорбаланааччы 5 сылга диэри көҥүлэ быһыллыан сөп.