Иркутскайтан Ленскэйгэ көтөн испит сөмөлүөтү чаҕылҕан саайбыт. Бу туһунан Илиҥҥи Сибиирдээҕи тырааныспар борокуратуурата иһитиннэрдэ.
Хаартыска: Zandz.com
Иркутскайтан Ленскэйгэ көтөн испит сөмөлүөтү чаҕылҕан саайбыт. Бу туһунан Илиҥҥи Сибиирдээҕи тырааныспар борокуратуурата иһитиннэрдэ.
Чаҕылҕан элэктэриичэстибэтин уота сөмөлүөт үөһээҥҥи өттүгэр охсубут. Бу «ИрАэро» авиахампаанньа сөмөлүөтэ эбит. Рейс пассажирдара суох оҥоһуллубут. Экипаж эмсэҕэлээбэтэх. Сөмөлүөт түспүтүн кэннэ, төһө улаханнык алдьаммытын көрбүттэр, бигэргэппиттэр.
Саха сиринээҕи уонна Байкал-Ангарскай тырааныспар борокуратууралара сөмөлүөт алдьаммытынан бэрэбиэркэни ыыталлар.
Этиҥнээх ардах кэмигэр пилоттар бу былыты эргийэн ааһыахтаахтар. Ол эрээри, сороҕор этиҥтэн, чаҕылҕантан куотар кыах суох буолар. Этиҥнээх ардахха түбэспит сөмөлүөт көтөн иһэн, чаҕылҕаннары бэйэтигэр тардан ылар, тоҕо диэтэр, салгыны кытта аалсарыгар «статическай заряд» үөскүүр.
Онон «статическай заряды» устарга сөмөлүөт кынаттарыгар, кутуругар чаҕылҕаны куоттарар тэриллэри («молниеотвод») туруораллар. Сөмөлүөт кырааскатыгар антистатическай бэссэстибэлэри эбэллэр. Кабинатын, мотуорун алтан боробулуоханан бүрүйэллэр (уоту аһардарыгар). Оттон уматыктаах баахтары инертнэй гааһынан толорон иһэллэр. Тоҕо диэтэр, уматыктаах баахха кыым күөдьүйдэҕинэ, дэлби тэбиэн сөп. Маны тэҥэ, сөмөлүөтү салайар электроника алдьаныан сөп.
Ол эрээри, бу харыстанар ньымалар үксүгэр көмөлөһөллөр. Онон чҕылҕаҥҥа оҕустарбыт да буоллаҕына, этэҥҥэ түһүөн сөп.
СӨ Ил Дархана Айсен Николаев Арассыыйа Дьоруойа Дмитрий Николаевич Егоров огдооботугар Надежда Алексеевна Андрееваҕа, байыаннай…
WhatsApp* (Арассыыйаҕа экстремисткэйинэн билиниллибит уонна бобуллубут Meta хампаанньа бас билиитэ) сокуон ирдэбиллэрин толорботох түгэнигэр үлэтэ…
Ил Түмэҥҥэ туһаайан этиитигэр өрөспүүбүлүкэ баһылыга Айсен Николаев чэпчэтиилээх эминэн хааччыйыыны бигэтик үбүлүүр соругу туруорда.…
Саха сиригэр будулҕан туманнаах, күүстээх бытарҕан тымныылар тураллар. Ахсынньы 24 күнүгэр сарсыарда Өймөкөөн улууһугар салгын…
Ленскэй оройуонун суута Пеледуй бөһүөлэгин олохтоох киһиэхэ сыһыаннаан РФ Административнай кодексатын 19.3 ыстатыйатын 1 чааһынан…
Павловскай сэлиэнньэтин бибилэтиэкэтигэр Мэҥэ Хаҥалас улууһун “Аҕа дойдуну көмүскээччилэр” пуонда филиалын социальнай координатора Рената Спиридонова…