Ленскэйгэ «Мухтуйа» суолунан таһаҕас тиэйэр тырааныспарынан айан-сырыы быстах кэмҥэ бобулунна

Күүстээх ардах кэнниттэн Ленскэй оройуоҥҥа «Мухтуйа» суол учаастагар 3,5 туоннаттан тахса ыйааһыннаах тимир көлө айаныгар быстах кэмнээх хааччахтааһын киллэрилиннэ.

Хааччах суол алдьаммытынан Ленскэй куораттан саҕалаан суол 138-с биэрэстэтигэр диэри учаастакка үлэлиир. Саха сиринээҕи айан суолларын управлениета иһитиннэрэринэн, хаачахтааһын атырдьах ыйын 4 күнүгэр диэри үлэлиир.

Суоппардарга бу хааччахтары учуоттаан, айанныыр маршруттарын үөскээбит балаһыанньаттан көрөн эрдэттэн былаанныылларыгар сүбэлэнэр.