Ленскэйгэ аар тайҕа муҥур тойоно куоракка иккиһин киирбит

Ленскэйгэ эмиэ тыатааҕы мэнээктээбит. Ленскэй улууһун Биир кэлим дьуһуурунай-диспетчерскэй сулууспата иһитиннэрэринэн, от ыйын 3 күнүгэр адьырҕа кыыл куорат иһигэр иккиһин киирбитин туһунан иһитиннэрбиттэр.

Бу сырыыга эһэни Хайыһар баазатын аттыгар көрбүттэр. «Тыатааҕы куоракка киирбитин туһунан иһитиннэрии полицияҕа, айылҕа харыстабылын кэмитиэтигэр, куорат уонна улуус баһылыктарыгар тиэрдилиннэ, боппуруос хонтуруолга турар», — диэн Ленскэй улууһун дьаһалтата иһитиннэрэр.

Мархинскай, Чанчик, Вертолетнай былаһаакка түөлбэлэр олохтоохторун, Хайыһар баазатын, аэропорт үлэһиттэрин сэрэхтээх буолалларыгар, тыаҕа чугаһынан тахсыбаттарыгар, оҕолору уонна кырдьаҕастары көрүүтэ-истиитэ суох хаалларбаттарыгар, чараҥтан уу баһартан туттуналларыгар ыҥырдылар.