Ленскэйгэ полицейскайдар гараас уорбут киһини туттулар

ИДьМ Ленскэй оройуоннааҕы салаатыгар биэнсийэлээх киһиттэн гарааһын уорбуттарын туһунан сайабылыанньа киирбит. Хоромньу 30 тыһ.солк. тэҥнэспит.

Суһал-силиэстийэлиир тэрээһиннэр ыытылланнар, холуобунай ирдэбил үлэһиттэрэ эрдэ сууттана сылдьыбыт 37 саастаах уорбаланааччыны туппуттар.

Уорбаланааччы гарааһы эрдэттэн бэлиэтии көрбүт. Манипулятор ыҥыран, ол суоппарын гараас киниэнэ буоларын итэҕэтэн, учаастакка тиэйтэрбит. Уоруллубут гарааһы бэйэтэ туһанаары сылдьыбыт.

Холуобунай дьыала тэрилиннэ диэн СӨ ИДьМ пресс-сулууспата иһитиннэрэр.