Хаартыска: ИДьМ пресс-сулууспата.
Ленскэй куоракка улахан баартыйалаах саарбах итирдэр утаҕы аҕалбыттарын туһунан иһитиннэрии киирбит. Онон Ленскэй оройуонунааҕы ИДьМ экэнэмиичэскэй куттал суох буолуутун уонна хоруупсуйаны утары охсуһууга салаатын үлэһиттэрэ, бобуулаах бородууксуйа кэлбит биир тырааныспар хампаанньатын ыскылаатын көрбүттэр.
Полиция үлэһиттэрэ онно испиир булкадаһыктаах биэстии лиитирэлэрдээх 336 пластиковай бытыылкалаах 84 хоруопканы булбуттар. Онтон сороҕор водканы оҥорор биир биллэр тэрилтэ этикеткатын сыһыарбыттар, ол эрээри, иһиттэргэ федеральнай анал маарката суох эбит. Атын иһиттэргэ арыгы ханна оҥоһуллубутун туһунан букатын даҕаны туох да суруга суох эбит. Ону кытта 24 кэниистиргэ кыһыл өҥнөөх суурадаһын кутуллубутун булбуттар.
Полиция үлэһиттэрэ 1680 лиитирдээх саарбах бородууксуйаны эспэртиисэҕэ ыыппыттар. Чинчийии түмүгэр биллибитинэн, испиир булкаастаах убаҕас физика-химия көрдөрүүлэринэн ГОСТ ирдэбилигэр сөп түбэспэтэ биллибит, оттон хатана 34,2-тан 35,8 кыраадыска диэри тиийэр эбит. Былдьаммыт оҥоһук 300 тыһ. солк. тэҥнэспит.
Итирдэх утах бас билээччилэринэн 52 саастаах үлэтэ суох дьахтар уонна 53 саастаах аэропорт тиэхиньиическэй үлэһитэ буолаллара быһаарыллыбыт.
РФ Холуобунай кодексын 171.1 ыст. 5 ч. буруйу оҥоруунан холуобунай дьыала тэриллибит. Ити туһунан СӨ ИДьМ пресс-сулууспата иһитиннэрэр.
Саҥа дьыл үүнэр түүнүгэр оҕолуун-уруулуун бары туох эмит дьиктини, уратыны, аптааҕы күүтэбит. Чаһы кураана охсорун…
Бэйэлэрин норуоттарыгар үгүс дьоһуннаах айымньылары хаалларбыт суруйааччылар ааҕааччы өйүттэн-санаатыттан сүппэттэр, кинилэр үлэлэрэ көлүөнэттэн көлүөнэҕэ тириэрдиллэн,…
СӨ Доруобуйа харыстабылыгар министиэристибэтэ мэдиссиинэ тэрилтэлэрин бырааһынньыктааҕы уонна өрөбүл күннэргэ -- ахсынньы 31 күнүттэн тохсунньу…
300 киһи олорор Өймөкөөн улууһун Үчүгэй нэһилиэгэр саҥа технологиянан оҥоһуллубут «Экстра Синема» киинэ саалата үлэҕэ…
Саҥа дьыл түүнүгэр Дьокуускайга быстах кэмҥэ 100н нүөмэрдээх босхо оптуобус маршрута үлэлиэҕэ диэн санатан суруйабыт.…
Дьокуускай борокуратуурата 33 саастаах дьахтарга тэриллибит холуобунай дьыалаҕы буруйдааһыны бигэргэттэ. Бу туһунан СӨ Борокуратууратын телеграм-ханаалыгар…