Ленскэйгэ  Сунтаар улууһун олохтооҕо «Toyota Land Cruizer» массыынаны күрэппитинэн сууттанна

Ленскэй улууһун борокуратуурата Сунтаар улууһун олохтооҕор сыһыаннаах холуобунай дьыалаҕа судаарыстыбаннай буруйдааһыны өйөөтө.

Кини РФ ХК 166-с ыстатыйатын 1-кы чааһынан (массыынаны күрэтии) буруйдааҕынан билинилиннэ. Бу туһунан СӨ Борокуратууратын пресс-сулууспата иһитиннэрэр.

Суут кэмигэр быһаарыллыбытынан, быйыл от ыйыгар эдэр киһи Ленскэй куоракка баар баазаҕа харабылынан үлэлии сылдьан, «Toyota Land Cruizer» массыынаны күрэппит. Итиэннэ, Ленскэй куорат уулуссаларынан массыынанан айаннаан иһэн, административнай дьиэ аттыгар тохтоон турар массыынаны кытта харсыспыт. Суут судаарыстыбаннай буруйдааччы этиитин, сууттанааччы буруйун билиммитин уонна оҥорбутун кэмсиммитин учуоттаан, 11 ый болдьоххо көҥүлүн хааччахтыырга анаата. Бириигэбэр сокуоннай күүһүгэр киирэ илик