Ленскэйгэ суол саахалыгар дьахтар эмсэҕэлээтэ

Ааспыт сууккаҕа өрөспүүбүлүкэҕэ 1 буруйу оҥоруу бэлиэтэннэ диэн СӨ Борокуратуурата иһитиннэрэр.

Дьокуускай олохтооҕо билбэт дьахтара кинини албыннаан 50 тыһыынча солкуобайын уорбутун туһунан үҥсүбүт.

Киһи өлүүлээх суол быһылаана бэлиэтэммэтэх.

Ленскэй куоракка 1997 сыллаах төрүөх суоппар «Тойота Авенсис» массыынаны ыытан иһэн, иннигэр баран испит «Тойота Аксио» массыынаҕа кэтиллибит. Быһылаан түмүгэр массыынаҕа олорсон испит дьахтар эт-хаан эчэйиитин ылан балыыһаҕа киирбит.

Ааспыт суукка иһигэр итирик туруктаах уруулу олорон, массыына ыыппыт 1 киһи тутуллубут.