Ленскэй оройуонугар Ньүүйэ нэһилиэк аттыгар Өлүөнэ өрүскэ «УАЗ Патриот» массыына булуллубутун туһунан иһитиннэриини саайпытыгар суруйан турабыт.
СӨ Быыһыыр сулууспата иһитиннэрбитинэн, массыына хаһаайына 61 саастаах Ленскэй олохтооҕо эбит. Эр киһи балыктыы атырдьах ыйын 12 күнүгэр барбыт. Тиһэх төгүлүн кинини сарсыарда эрдэ, атырдьах ыйын 18 күнүгэр, доҕоруттан тахсан айаннаабытын көрбүттэр. Массыына иһигэр эр киһи малларын, суоппар дастабырыанньатын булбуттар.
Атырдьах ыйын 22 күнүгэр быһылаан тахсыбыт сиригэр СӨ Быыһыыр сулууспатын Ленскэйдээҕи көрдүүр-быыһыыр этэрээтин быыһааччылара барбыттар.
«Биһиги Ньүүйэҕэ икки мотуордаах оҥочонон уонна УАЗ массыынанан алта быыһааччы буолан барбыппыт, — диэн Ленскэйдээҕи ПСО начаалынньыга Александр Саморцев кэпсиир — Сотору кэминэн Ленскэйтэн волонтердар түөрт оҥочонон кэлбиттэрэ. Волонтердар икки бөлөххө арахсан, биирдии быыһааччы сыһыарыллан, өрүс кытылынан, арыыга көрдөөбүттэрэ».
Бу кэмҥэ хаалбыт быыһааччылар беспилотнигы көтүтэн, өрүһү үөһэттэн чинчийбиттэр. «БПЛА бастакы көтүүтэ туох да түмүгү аҕалбатаҕа. Иккис сырыыга көтүү туочукатын уларытан, 10-15 мүнүүтэнэн сүппүт киһи өлүгэ көстүбүтэ», — диэн быыһааччы салгыы кэпсээтэ.
Эр киһи өлүгэ көстүбүтүн кэннэ, полицейскайдар көрдөһүүлэринэн, Быыһыыр сулууспа быыһааччылара һлүгү Ленскэйгэ илдьибиттэр.
Мэҥэ Хаҥалас улууһугар "Халыма" федеральнай суолга «SITRAK C7H» массыына суолтан туораан түҥнэһиннэ. Бу туһунан Госавтоиниспиэксийэ…
Саха сирин полицейскайдара Сочи куоракка төлөпүөн түөкүттэригэр кыттыгастаах, 35 мөл. солк. үп-харчы тэрилтэлэриттэн устубут киһини…
Саха сиригэр ойуур бизонун үөскэтэр бырайыак саҕаланыаҕыттан кинилэр ахсааннара 320-чэ төбөҕө тиийдэ. Бу өссө быйылгы…
Балаҕан ыйын 13-14 күннэригэр Ньурбатааҕы судаарыстыбаннай көһө сылдьар драматическай тыйаатыр 59-с айар дьылын арыйда. Бастакы…
Айсен Николаев Нам оройуонун Хатырык сэлиэнньэтигэр Дьяконовтарга сырытта. Элбэх оҕолоох ыалга Ил Дархан халаан кэнниттэн…
“Айар “ национальнай кинигэ кыһатыгар саҥа бэчээттэнэн кэлбит кинигэлэр ортолоругар филология билимин хандьыдаата Саргылаана Еремеевна…