Хаартыска: Саха сиринээҕи Быыһыыр сулууспата
Ленскэйгэ сүппүт үс эр киһини буллулар. Кинилэр ааспыт бээтинсэҕэ балыктыы тахсан баран, болдьоммут кэмнэригэр төннүбэтэхтэр. Бэнидиэнньиккэ кинилэри Ленскэйгэ эвакуациялаатылар, диэн Саха сиринээҕи Быыһыыр сулууспата иһитиннэрдэ.
Эр дьон «Ленскэй – Мииринэй» трассаттан 78 км кэриҥэ ыраах сиргэ балыктыы барбыттар. Алтынньы 10 күнүгэр айаннаабыт балыксыттар алтынньы 12 күнүгэр күн ортотугар төннүөхтээх эбиттэр даҕаны, сураҕа суох сүппүттэр. Балыксыттары бэнидиэнньик сарсыардатыгар олохтоохтор көрдүү тахсыбыттар.
Көрдүүр үлэлэргэ Ленскэйдээҕи көрдүүр-быыһыыр этэрээт үс быыһааччыта уонна биир полиция үлэһитэ «Трэкол» вездеходунан туруммуттар. Сүппүт дьон тиэхиньикэлэрэ алдьаммыта биллибит. «23:17 чааска сүппүт дьону буллулар — кинилэр тиэхиньикэлэрэ алдьаммыт. Быыһыыр сулууспа массыынатынан Ленскэйгэ тиэртилэр, эмсэҕэлээбиттэр мэдиссиинэ көмөтүгэр наадыйбаттар», — диэн биэдэмистибэ пресс-сулууспата иһитиннэрдэ.
Бэҕэһээ, сэтинньи 29 күнүгэр, Тамерлан Романович Иванов аатынан «Кэскил» култуура киинигэр Арассыыйаҕа “Аҕа дойдуну көмүскээччи”,…
Инсульт Арассыыйаҕа эрэ буолбакка, аан дойдуга барытыгар инники миэстэҕэ сылдьар ыарыынан биллэр. Невролог, гериатр-быраас Полина…
Сэтинньи ый сэтэриир тумарагын сэгэйэ тэлэн, Туймаада олохтоохторо эдэрдиин-эмэнниин Өксөкүлээх Өлөксөй аатынан Норуоттар доҕордоһууларын дьиэтин…
Уус Алдан хомус уустара уутуйан үөскээбит улууһунан биллэр. Суон сураҕырбыт талааннаах маастардары күн бүгүн хомус…
Сунтаар улууһун. Тойбохой нэһилиэгэр Трофим Корнилов аатынан СаДуоБа (саахымат, дуобат, баарыс) көрүҥҥэ улуус аһаҕас күрэҕэ…
Соторутааҕыта Кэбээйи улууһугар «Муҥха олоҥхото-2025» эдэр олоҥхоһуттар өрөспүүбүлүкэтээҕи бэстибээллэрэ киэҥ далааһыннаахтык ыытыллыбыта. 10 улуустан 20-чэ…