Ленскэйгэ түөрт эдэр уол гарааһы алдьатан, массыына күрэппиттэр

ИДьМ сулууспатын Ленскэй оройуонун отделын холуобунай ирдэбил үлэһиттэрэ гараастан «Жигули» мааркалаах массыына уоруллубут дьыалатын арыйдылар.

Буруйу оҥорууга уорбаланар полиция үлэһиттэрэ түөрт олохтоох киһини быһаарбыттар: үс 18 уонна 19 саастаах эдэр уолу уонна сааһын ситэ илик 17 саастаах оҕону. Силиэстийэҕэ быһаарыллыбытынан, эдэр дьон гараас аанын лоомунан алдьатан, массыынаны күрэппиттэр.

Кэлин оперативниктар тырааныспары Мииринэй куоракка булбуттар. РФ Холуобунай Кодексатын 158-с ыстатыйатын 2-с чааһынан («Уоруу») холуобунай дьыала тэрилиннэ.

Уорбаланааччыларга ханна да барбат туһунан илии баттааһыннаах хааччахтыыр миэрэ ылылынна.

Ону таһынан, үс 18 уонна 19 саастаах дьыалаҕа эриллибит киһиэхэ РФ Холуобунай кодексатын 150-с ыстатыйатын 1-кы чааһынан («Сокуоннай сааһын ситэ илик оҕону буруйу оҥорууга угуйуу») холуобунай дьыала тэрилиннэ, бу ыстатыйанан буруйдаахтар 5 сылга диэри көҥүллэрэ быһыллыан сөп. Бу туһунан ИДьМ пресс-сулууспата иһитиннэрэр.