Ленскэйгэ уонна Сунтаарга дьон сүттэ

Бэҕэһээ, балаҕан ыйын 4 күнүгэр, СӨ Быыһыыр сулууспатыгар Ленскэй оройуонугар 1978 с.т. эр киһи сүппүтүн туһунан иһитиннэрии киирбит.

Сүппүт эр киһи кэргэнэ этэринэн, бу киһи табаарыһын кытта Пеледуй трассатын диэки кедр эриэхэтин хомуйа балаҕан ыйын 1  күнүгэр барбыттар. Балаҕан ыйын 3  күнүгэр кэлиэхтээхтэр эбит. Ол гынан баран, бу киһи төлөпүөннээн муммуттарын эппит.

Балаҕан ыйын 4 күнүгэр Саха сирин Быыһыыр сулууспатын Ленскэйдээҕи көрдүүр-быыһыыр этэрээтин быыһааччылара муммут дьону көрдүү барбыттар.

Маны таһынан, бэҕэһээ киэһээ аны Сунтаар улууһугар Элгээйигэ 1979  с.т. эр киһи сүппүтүн туһунан иһитиннэрии киирбит.  Бу киһи балаҕан ыйын 2 күнүгэр түүн сүппүт. Балаҕан ыйын 3  күнүгэр кинини көрдөөн көрбүттэр. Балаҕан ыйын 4  күнүгэр, Элгээйиттэн 6  км сиргэ баар Угут Күөлгэ массыыната көстүбүт. Ити киэһээ кроссовката, пачкалаах сигаретата уонна зажигалката көстүбүт. Массыынаҕа төлөпүөнэ, дьиэтин күлүүһэ, суумката хаалбыт.

Балаҕан ыйын 5 күнүгэр Саха сирин Быыһыыр сулууспатын Сунтаардааҕы хонтуруоллуур-быыһыыр пост быыһааччылара сүппүт киһини көрдүү барбыттар.

http://t.me/spasykt/6244